आव्हाड कोरोना पॉझिटिव्ह PSI च्या संपर्कात, स्वत:ला करून घेतलं होम क्वारन्टाइन

मुंबई, १३ एप्रिल : राष्ट्रवादीचे नेते आणि कॅबिनेट मंत्री जितेंद्र आव्हाड यांनी स्वत:ला होम क्वारन्टाइन करून घेतलं आहे. जितेंद्र आव्हाड आणि इतर काही लोक हे कोरोना पॉझिटिव्ह रिपोर्ट आलेल्या पोलीस अधिकाऱ्याच्या संपर्कात आले असल्याची माहिती आहे. त्यानंतर आव्हाड यांनी खबरदारीचा उपाय म्हणून स्वत:ला क्वारन्टाइन करून घेतलं आहे.

ठाण्यातील या कोरोना पॉझिटिव्ह PSI च्या संपर्कात अनेक पत्रकारही आले आहेत. त्या सर्वांची कोरोना टेस्ट करण्यात आली. यातील एक पत्रकार कोरोना पॉझिटिव्ह निघाला आहे. त्यानंतर आता सर्वांना क्वारन्टाइन करण्यात आलं आहे.

मुंब्रा पोलीस स्टेशनमधील अधिकारी नाशिकमध्ये गेल्यानंतर त्याला कोरोनाची लागण झाल्याचं स्पष्ट झालं. त्यामुळे त्याच्यावर नाशिकमध्ये उपचार सुरु आहेत. त्यामुळे मुंब्रा पोलीस स्टेशनमध्ये या अधिकाऱ्याच्या संपर्कात आलेल्या ३३ पोलिसांनाही क्वारंटाईन करण्यात आलं आहे. त्यांचे सँम्पल तपासणीसाठी पाठवण्यात आले असून त्याचे रिपोर्ट अद्याप आलेले नाहीत. दरम्यान, या अधिकाऱ्याच्या संपर्कात काही पत्रकार आणि अन्य लोकही आले होते. राज्याचे गृहनिर्माण मंत्री जितेंद्र आव्हाड त्यांच्या मतदारसंघात पाहणीसाठी गेले होते. मुंब्रा, कळवा भागात फिरताना हा अधिकारीही संपर्कात आला होता. त्यामुळे आव्हाड यांनी कोरोनाची टेस्ट करून घेत घरीच सेल्फ क्वारंटाईन केले आहे. आव्हाड यांची कोरोना टेस्ट निगेटिव्ह आली आहे.

दरम्यान, महाराष्ट्रात कोरोन विषाणूबाधित रुग्णांची संख्या सोमवारी सकाळी २०६४ वर जाऊन पोहोचली. राज्यात गुरुवारी सकाळी आणखी ८२ जणांना कोरोनाची लागण झाल्याचे समोर आले. यापैकी ५९ रुग्ण हे मुंबईमध्ये आढळून आले आहेत.

News English Summary: Nationalist leader and cabinet minister Jitendra Awhad has made himself a home quarantine. Jitendra Awhad and some others are reported to have come in contact with a Corona positive report. After this, Awhad has quarantined himself as a precautionary measure. Several journalists have also come in contact with this Corona-positive PSI in Thane. All of them were corona tested. One of these journalists is leaving Corona Positive. After that, everyone has been quarantined.

News English Title: Story Minister Jitendra Awhad home quarantines himself as a precautionary measure after a PSI in Thane tests positive for corona Covid19 News Latest Updates.