राज्य सरकार बांधकाम कामगारांच्या खात्यात थेट २ हजार रुपये जमा करणार

मुंबई, १८ एप्रिल : कोरोनाने घातलेले थैमान पाहता देशातील लॉकडाऊन ३ मे पर्यंत वाढवण्यात आले आहे. संचारबंदी असल्याने उद्योगधंदे, कामगारांवर याचा परिणाम झाला आहे. लॉकडाऊन कालावधीत राज्यातील इमारत आणि इतर बांधकामे बंद झाली आहेत. बांधकाम कामगारांना काम नसल्याने दररोज रोजगार मिळत नाही. त्यामुळे दैनंदिन जीवनातील मूलभूत गरजा भागविण्यासाठी त्यांना अनेक अडचणींना सामोरे जावे लागत आहे. पण आता बांधकाम कामगारांना यातून दिलासा मिळणार आहे. बांधकाम कामगारांच्या खात्यात थेट २ हजार रुपये देण्याचा निर्णय झाला आहे.

बांधकाम कामगारांना भेडसावत असलेल्या अडचणीमध्ये कामगारांना आर्थिक साहाय्य देण्यासाठी मुख्यमंत्री उद्धव ठाकरे, उपमुख्यमंत्री अजित पवार , कामगार मंत्री दिलीप वळसे- पाटील व संबंधित अधिकाऱ्यांच्या बैठकीत झालेल्या चर्चेनुसार मंडळाकडील नोंदीत सक्रीय बांधकाम कामगारांना दोन हजार रूपये एवढे आर्थिक सहाय्य थेट बांधकाम कामगाराच्या बँक खात्यात डीबीटी (DBT) पद्धतीने जमा करण्याचा निर्णय घेण्यात आला.

मंडळाकडे जमा उपकर निधीमधून नोंदीत बांधकाम कामगारांकरिता विविध कल्याणकारी योजना राबविण्यात येतात. करोना विषाणूच्या प्रादुर्भावामुळे उद्भवलेल्या स्थितीत नोंदीत बांधकाम कामगारांना प्रत्येकी रु.2000/- प्रमाणे आर्थिक मदत राज्यातील 12 लाखापेक्षा जास्त आर्थिक सहाय्य नोंदीत 6/7

— Dilip Walse Patil (@Dwalsepatil) April 18, 2020

इमारत आणि इतर बांधकाम कामगारांना बांधकामाची परवानगी देताना विकाससकाकडून उपकर वसूल करून विभागाकडे जमा होत असतो. १ टक्का उपकर बांधकाम कामगारांच्या कल्याणासाठी बांधकाम व्यावसायिकांकडून वसुल केला जातो. याची ९ हजार ९०० कोटी रुपये शासनाकडे बांधकाम कल्याण मंडळात आहेत. या जमा झालेल्या उपकर निधीमधून कामगारांसाठी कल्याणकारी योजना राबविण्यात येतात. हा निधी कामगारांच्या सहाय्यासाठी वितरित येणार आहे.

News English Summary: The lockdown in the country has been extended until May 3, in view of the corps wearing corona. This has affected the industry and the workers due to the closure of communication. During the lockdown period, buildings and other structures in the state have closed. Construction workers do not get employment every day because they have no work. Therefore, they have to face many obstacles to meet the basic needs of daily life. But now the construction workers will be relieved. It has been decided to pay Rs 2,000 directly to the construction workers account.

News English Title: Story Maharashtra government to provide an assistance of rupees 2000 each to 12 Lakh registered construction workers Covid 19 News Latest Updates.