शहरात चिंता वाढली...तबलिगींना लवकरात लवकर डोंबिवली शहराबाहेर इतरत्र हलवावे - आ. राजू पाटील

कल्याण-डोंबिवली, २१ एप्रिल: सध्या जगभर थैमान घातलेल्या कोरोना या रोगापासून आपली कल्याण डोंबिवली पण सुटू शकली नाही. यावर मनसेचे आमदार राजू पाटील मोठी चिंता व्यक्त करताना सरकारला देखील विनंती केली आहे. त्यावर सविस्तर बोलताना मनसे आमदार राजू पाटील यांनी म्हटलं आहे की, सध्या कोरोनाबाधित रूग्ण सापडण्यात कल्याण डोंबिवलीचा महाराष्ट्रात तिसरा किंवा चौथा क्रमांक लागत आहे. कल्याण-डोंबिवलीत हा रोग पसरण्यासाठी इथे नाममात्र असलेली आरोग्यसेवा तसेच काही लोकांचा हलगर्जीपणा कारणीभूत ठरत असल्याचे प्रथमदर्शी दिसत आहे. आपण नुकतीच केडिएमसीचे आयुक्त म्हणून सुत्र हाती घेतली असली, तरीही आपण या परिस्थितीतही कोरोनाशी दोन हात करताना जनतेला दिसत आहात.

कल्याण-डोंबिवली पालिका आयुक्तांना लिहिलेल्या लेखी पत्रात राजू पाटील यांनी म्हटलं आहे की, ‘जेव्हा डोंबिवली हा परिसर कोरोनाचा हॉटस्पॉट बनत चालला होता व त्याच सुमारास कल्याणहून रस्त्यावर फिरणाऱ्या साधारण पंचवीस एक लोकांना आपण पाथर्ली येथील BSUP त क्वारंटाइन केल्याचे समजले, तेव्हाच मी सुरूवातीलाच आपणास आधीच धोकादायक होत चाललेल्या डोंबिवलीत रहिवासी भागात अजून बाहेरचे संशयीत रूग्ण आणू नका अशी फोनवर विनंती केली होती.

pic.twitter.com/dZUU4lq0sm

— Raju Patil (@rajupatilmanase) April 21, 2020

तसेच याच पाथर्ली भागात मागच्याच काही दिवसांपूर्वी कोरोनाचा एक रूग्ण आढळून आला होता, तसेच येथून जवळच असलेला आजदे सागर्ली भाग पण हॉटस्पॉट जाहीर केला आहे, अशातच आज मला समजले की त्यानंतरही काही संशयीत रूग्ण ज्यामध्ये काही तबलिगी यांचा समावेश आहे,असे एकूण १०० च्या वर लोक इथे ठेवले आहेत. हॉटस्पॉट मध्ये आढळून आलेले रूग्ण त्या जागेपासून दूर नेणे अपेक्षित असताना, उलट बाहेरचे संशयीत या शहरात दाट वस्तीच्या ठिकाणी आणणे योग्य नाही व याच गोष्टींची माहिती आजूबाजूच्या परिसरात समजल्यावर लोकांमध्ये चिंतेचे व भीतीचे वातावरण तयार झाले आहे.

त्यामुळे आधीच कोरोनाचा हॉटस्पॉट असलेल्या डोंबिवलीत या तबलिगींची उपस्थिती जर लोकांमध्ये भीती निर्माण करत असेल व त्यामुळे भविष्यात प्रशासनावर ताण येणार असेल तर या लोकांना लवकरात लवकर डोंबिवली शहराबाहेर इतरत्र हलवावे ही माझी आपणास विनंती आहे.

News English Summary: In a written letter to the Kalyan-Dombivali Municipal Commissioner, Raju Patil said that when the Dombivali area was becoming a hotspot for corona and around the same time about twenty-five people traveling on the road from Kalyan realized that he had quarantined the BSUP at Patharli, I was already at risk. In the residential area of ​​Dombivali, another outsider suspected Rs Do not na was requested on the phone.

News English Title: Story MNS MLA Raju Patil worried about Kalyan Dombivli Corona crisis and Markaz issue News latest Updates.