देशात कोरोना रुग्णांचा आकडा २३ हजार पार

नवी दिल्ली, २४ एप्रिल: भारतात कोरोनाग्रस्तांचा आकडा हा २३ हजार पार गेला आहे. आरोग्य मंत्रालयानं जारी केलेल्या ताज्या माहितीनुसार शुक्रवार सकाळपर्यंत देशात कोरोना विषाणू बाधितांची संख्या ही २३ हजार ७७ वर पोहोचली. यापैकी १७ हजार ६१० रुग्ण हे कोरोना विषाणूच्या संसर्गावर उपचार घेत आहेत. तर ४ हजार ७४९ रुग्ण हे बरे झाले आहेत किंवा त्यांना डिस्चार्ज देण्यात आलेला आहे. तर आतापर्यंत ७१८ जणांनी आपले प्राण गमावले आहेत.

आरोग्य मंत्रालयाच्या आकडेवारीनुसार २४ तासांत देशात १६८४ नवे रुग्ण समोर आले आहेत तर ३७ जणांचा मृत्यू झाला आहे. जगभरातल्या आकडेवारीचा विचार करायचा झालाच तर गेल्या २४ तासांत जगभरात कोरोनामुळे ४ हजार ५०० लोकांनी आपला प्राण गमावला आहे, त्यामुळे शुक्रवार सकाळपर्यंत संपूर्ण जगात कोरोनामुळे मृत्युमुखी पडलेल्यांची संख्या ही १ लाख ८६ हजार ४६२ वर पोहोचली आहे. तर एफपी वृत्तसंस्थेच्या माहितीनुसार जगात २४ तासांत ६८ हजार १७ नव्या रुग्णांची नोंद झाली आहे.

India’s #COVID19 cases cross 23,000 mark – at 23,077. 17610 active cases, 4749 cured/discharged/migrated & 718 deaths: Union Health Ministry pic.twitter.com/AVTdjC8Q7y

— ANI (@ANI) April 24, 2020

महाराष्ट्र, गुजरात, दिल्ली आणि राज्यस्थानसारख्या मोछ्या राज्यात करोनाग्रस्तांच्या संख्येत वाढ होताना दिसत आहे. करोनानं भारतात शिरकाव केल्यानंतर सर्वाधिक रूग्ण असलेल्या केरळ राज्यानं देशांसमोर आदर्श ठेवला आहे. कमी लोकसंख्या असणारी भारतातील ३ राज्य कोरोनामुक्त झाले असून गोवा, मणिपूर आणि त्रिपुरा या राज्यांनी कोरोनाशी दोन हात करून आपल्या राज्याला कोरोना फ्री केलं आहे. मात्र देशातील एकूण आकडेवारी पाहता केंद्रीय आरोग्य मंत्रालय जरा घाई करतंय असंच तज्ज्ञांचं म्हणणं आहे.

दरम्यान, डॉ. गुलेरिया यांच्या म्हणण्यानुसार, करोनाची लागण झालेल्या रुग्णांवर यशस्वीपणे उपचार करता येतात. रुग्णांपैकी ८० टक्के रुग्णांना केवळ काळजी घेण्याची गरज असते. तर, २० टक्के रुग्णांना विशेष काळजी घेण्याची आवश्यकता असते आणि केवळ ५ टक्के रुग्णांनाच व्हिंटिलेटरची आवश्यकता असते. १५ टक्के अतिशय गंभीर असलेल्या रुग्णांना व्हेंटिलेटर्सऐवजी अधिकच्या ऑक्सिजन सपोर्टची गरज असते आणि सरकारने हे लक्षात घेऊनच पावले उचललेली आहेत.

News English Summary: According to the health ministry, 1684 new cases have been reported in the country in the last 24 hours and 37 people have died. As many as 4,500 people have lost their lives to corona in the last 24 hours worldwide, bringing the total number of corona deaths worldwide to 1,86,462 as of Friday morning. According to the FP news agency, 68,017 new patients have been registered in the world in 24 hours.

News English Title: Story India Covid 19 cases crossed 23 Thousand mark News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.