अमेरिकेत बेरोजगारीच्या लाभासाठी करोडो अर्ज; ५ आठवड्यात २.६ कोटी अर्ज

वॉशिंग्टन, २४ एप्रिल: जगभरात करोना व्हायरसमुळे १ लाख ९० हजारपेक्षा जास्त नागरिकांचा मृत्यू झाला आहे. युरोपमध्ये दोन-तृतीयांश मृत्यू झाले आहेत. १,९०,०८९ नागरिकांचा करोनामुळे मृत्यू झाला आहे. २६ लाखापेक्षा जास्त नागरिक करोनाबाधित आहेत. युरोप खंडाला करोनाचा सर्वाधिक फटका बसला आहे. इंडिया टुडेने हे वृत्त दिले आहे.

दरम्यान, अमेरिकेचे परराष्ट्रमंत्री माईक पोम्पीओ यांनी खूप मोठं वक्तव्य केलं आहे. त्यांनी म्हटलं की, अमेरिका कदाचित पुन्हा कधीही जागतिक आरोग्य संघटनेला अर्थसहाय्य करणार नाही, ‘जर गरज भासली तर ते आरोग्यावर आपली एक जागतिक संस्था तयार करतील.’ कोरोनाच्या बाबतीत चीनला पाठिशी घातल्याचा आरोप करत अमेरिकेने जागतिक आरोग्य संघटनेला निधी देणे बंद केले आहे. आता माईक पोम्पीओ यांनी त्यापेक्षा आणखी आक्रमक भूमिकेचे संकेत दिले आहेत. फॉक्स न्यूजला दिलेल्या मुलाखतीत त्यांनी यावर भाष्य केलं.

दुसरीकडे ट्रम्प सरकारने आर्थिक नियोजन आणि लवकरच ओढवणाऱ्या बेरोजगारीवर उपाय योजना सुरु केल्या आहेत आणि त्यासाठी मोठी आर्थिक पॅकेजेस जाहीर करण्यात आली आहेत. अमेरिकेत जारी करण्यात आलेल्या ताज्या आकडेवारीनुसार बेरोजगारीचा दर १९३० च्या महामंदीनंतर सर्वाधिक झाला आहे. आर्थिक संकटाचा सामना करण्यासाठी अमेरिकन संसदेने सुमारे ५०० अब्ज अमेरिकन डॉलरच्या पॅकेजला मंजुरी देण्यात आली आहे.

यावर सरकारने सांगितले की, मागील आठवड्यात ४४ लाखांहून अधिक लोकांनी बेरोजगारीच्या लाभासाठी अर्ज केला आहे. त्याचबरोबर मागील पाच आठवड्यात सुमारे २.६ कोटी लोकांनी यासाठी अर्ज केला आहे. यावरून जगातील स्थिती काय असेल याचा अंदाज येऊ लागला आहे.

Unemployment Insurance Weekly Claims

Initial claims were 4,427,000 for the week ending 4/18 (-810,000).

Insured unemployment was 15,976,000 for the week ending 4/11 (+4,064,000).https://t.co/ys7Eg5LKAW

— US Labor Department (@USDOL) April 23, 2020

News English Summary: The US Congress has approved a 500 500 billion package to tackle the financial crisis. More than 44 lakh people have applied for unemployment benefits in the past week, the government said. In the last five weeks, about 2.6 crore people have applied for it.

News English Title: Story In America unemployment benefits corona virus Covid 9 News Latest Updates.