राज्यात पूल टेस्टिंग व प्लाझ्मा थेरपीला केंद्राची मान्यता

मुंबई, २४ एप्रिल: करोना उपचारासाठी महाराष्ट्रात पूल टेस्टिंग आणि प्लाझ्मा थेरपी उपचाराला केंद्रीय आरोग्यमंत्र्यांकडून आज मान्यता मिळाली, अशी माहिती राज्याचे आरोग्यमंत्री राजेश टोपे यांनी दिली आहे.

महाराष्ट्रात प्लाझ्मा थेरपी आणि पूल टेस्टिंग यांना संमती मिळाली आहे अशी माहिती आरोग्यमंत्री राजेश टोपे यांनी ट्विटद्वारे दिली आहे. केंद्रीय आरोग्यमंत्री डॉ. हर्षवर्धन यांनी घेतलेल्या व्हिडीओ कॉन्फरन्सिंगमध्ये सगळ्या राज्यांचे आरोग्यमंत्री उपस्थित होते. त्याच व्हिडीओ कॉन्फरन्समध्ये महाराष्ट्रात प्लाझ्मा थेरपी आणि पूल टेस्टिंगला केंद्राने मान्यता दिली आहे.

आज केंद्रीय आरोग्य मंत्री @drharshvardhan यांनी घेतलेल्या व्हिडिओ कॉन्फरन्स मध्ये सर्व राज्यांचे आरोग्यमंत्री व सचिव उपस्थित होते.यामध्ये महाराष्ट्र राज्य साठी आपण केलेल्या पूल टेस्टिंग(Pool Testing)व प्लाजमा थेरपी(Plasma Therapy)या मागणीला मान्यता मिळाली.1/2 #CoronaVirusUpdates pic.twitter.com/j1skEIcHGU

— Rajesh Tope (@rajeshtope11) April 24, 2020

दरम्यान, देशभरात गुरुवारपासून आजपर्यंत ४९१ जण कोरोना विषाणू मुक्त झाले आहेत. बरे होणाऱ्यांची संख्या आता ४७४८ झाली आहे. भारताचा रिकव्हरी रेट हा २०.५७ टक्के इतका झाला आहे, अशी माहिती आरोग्य मंत्रालयाचे संयुक्त सचिव लव अग्रवाल यांनी दिली. मागील २८ दिवसांत ज्या जिल्ह्यात एकही कोरोनाचे प्रकरण समोर आले नाही, त्यात आणखी १५ जिल्ह्यांची भर पडल्याचेही त्यांनी सांगितले.

News English Summary: Maharashtra Plasma Therapy and Pool Testing have been approved, Health Minister Rajesh Tope said in a tweet. Union Health Minister Dr. Health ministers from all the states were present in the video conferencing held by Harshvardhan. In the same video conference, the Center has approved plasma therapy and pool testing in Maharashtra.

News English Title: Central Government Gave Permission For Pool Testing And Plasma Therapy In Maharashtra Says Health Minister Rajesh Tope.