ट्रम्प पत्रकारांच्या प्रश्नांना घाबरले? ट्रम्प सुद्धा मोदींप्रमाणे थेट पत्रकार परिषद टाळण्याची शक्यता

वॉशिंग्टन, २६ एप्रिल : शरीरामध्ये जंतुनाशक द्रव्ये (डिसइन्फेक्टन्ट) टोचून कोरोना विषाणू नष्ट करता येतील का किंवा त्याला मारण्यासाठी शरीराच्या आत अल्ट्रा व्हायोलेट (यूव्ही) किरणांद्वारे उपचार करता येतील का या गोष्टींचा अभ्यास करावा, तसे प्रयोग करावेत, अशी अजब सूचना अमेरिकेचे राष्ट्राध्यक्ष डोनाल्ड ट्रम्प यांनी केली आहे. ट्रम्प यांच्या या वक्तव्यावर अमेरिकेतल्या वैद्यकीय तज्ज्ञांनी टीकेची झोड उठविली आहे. तसेच, राष्ट्राध्यक्षांचे वक्तव्य गांभीर्याने घेऊ नका, असे आवाहन जंतुनाशक द्रव्यांच्या उत्पादकांनी जनतेला केले आहे. आर्द्र्रता व सूर्यप्रकाशाच्या सान्निध्यात आल्यास कोरोना विषाणू इतर वेळेच्या तुलनेत अधिक वेगाने नष्ट होतात, असे अमेरिकेच्या विज्ञान व तंत्रज्ञान विभागाचे मंत्री बिल ब्रायन यांनी म्हटले आहे.

ट्रम्प यांनी कोरोनाबाधितांवर अल्ट्राव्हायोलेट किरणांचा वापर करण्यास किंवा घरात वापरले जाणारे ब्लीचचे इंजेक्शन देण्यास सांगून सर्वांनाच आश्चर्याचा धक्का दिला होता. आरोग्य क्षेत्रातील तज्ज्ञांकडून यावर तिखट प्रतिक्रिया आल्यानंतर त्यांनी आपण हे विनोदाने म्हटल्याचे सांगितले.

तसेच डोनाल्ड ट्रम्प यांनी आपल्या टि्वटमध्ये म्हटले की, व्हाइट हाऊसमधील पत्रकार परिषदेचा हेतू काय आहे, जेव्हा पारंपारिक मीडिया केवळ प्रतिकूल प्रश्न विचारतात आणि सत्य दाखवताना तथ्यांना योग्यप्रकारे समोर ठेवण्यास नकार देतात. त्यांना चांगली क्रमवारी मिळते आणि अमेरिकन जनतेला केवळ बनावट बातम्या मिळतात. हा वेळ आणि प्रयत्नांचा अपव्यय आहे.

कोरोनाबाधितांना इंजेक्शनद्वारे ब्लीज देण्याच्या सल्ल्यानंतर झालेल्या वादानंतर अमेरिकेचे राष्ट्राध्यक्ष डोनाल्ड ट्रम्प यांनी टि्वट केले आहे. कोरोना विषाणूबाबत दररोज होत असलेल्या पत्रकार परिषदेसाठी वेळ काढणे आवश्यक नाही, असे त्यांनी आपल्या टि्वटमध्ये म्हटले आहे. आपल्या या टि्वटच्या माध्यमातून त्यांनी पत्रकार परिषद बंद करण्याच्या बातम्यांना एकप्रकारे त्यांनी दुजोराच दिला आहे. सध्याच्या परिस्थितिमुळे पत्रकार परिषदेत ट्रम्प यांना तिखट प्रश्न विचारले जातात. दररोज सायंकाळी विविध वृत्त वाहिन्यांवर ट्रम्प यांची पत्रकार परिषद चर्चेच्या केंद्रस्थानी असते.

What is the purpose of having White House News Conferences when the Lamestream Media asks nothing but hostile questions, & then refuses to report the truth or facts accurately. They get record ratings, & the American people get nothing but Fake News. Not worth the time & effort!

— Donald J. Trump (@realDonaldTrump) April 25, 2020

जगभरात सर्वत्र फैलाव झालेल्या जीवघेण्या करोना व्हायरसने जागतिक महासत्ता असलेल्या अमेरिकेत अक्षरशा थैमान घातले आहे. मागील चोवीस तासांत अमेरिकेत तब्बल २ हजार ४९४ जाणांचा करोनाने बळी घेतला आहे. यामुळे अमेरिकेत करोनामुळे मृत्यू झालेल्यांची एकूण संख्या संख्या आता एकूण ५३ हजार ५११ वर पोहचली आहे. तर आतापर्यंत अमेरिकेत तब्बल नऊ लाख ३६ हजार २९३ जणांना करोनाचा संसर्ग झाल्याचे स्पष्ट झाले आहे.

News English Summary: US President Donald Trump has tweeted following a controversy over the injection of coli vaccines. There is no need to make time for the daily press conference about the corona virus, he said in his tweet. Through his tweet, he has in a way confirmed the news of the closure of the press conference.

News English Title: Story Donald Trump says briefings not worth his time after disinfectant gaffe amid corona virus Covid 19 News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.