राजकारणी सुद्धा विळख्यात; गुजरातमध्ये वरिष्ठ काँग्रेस नेत्याचा कोरोनामुळे मृत्यू

अहमदाबाद, २७ एप्रिल: देशात कोरोनाचा विळखा वाढत चालला असून दिवसेंदिवस कोरोनाबाधित रुग्णांच्या संख्येत वाढ होत चालली आहे. अशात गुजरातमध्ये एका वरिष्ठ काँग्रेस नेत्याचा कोरोनामुळे मृत्यू झाल्याची माहिती समोर आली आहे. काँग्रेसचे वरिष्ठ नेते आणि अहमदाबाद महानगरपालिकेतील काँग्रेसचे नगरसेवक असलेले बदरुद्दीन शेख यांचा कोरोनामुळे मृत्यू झाला आहे.

Sad news, Ahmedabad’s good public servant Badruddin Shaikh has passed away… A senior leader of our Gujarat Congress family, I knew him since 40yrs when he was with Youth Congress. He was relentlessly working with poor people&was infected with #COVID19: Shaktisinh Gohil,Congress pic.twitter.com/kZesm8KhxK

— ANI (@ANI) April 26, 2020

शेख यांच्या निधनानंतर देशभरातील काँग्रेस नेत्यांनी शोक व्यक्त केला आहे. ‘गुजरात काँग्रेसचे ज्येष्ठ नेते आणि अहमदाबाद महापालिकेचे नगरसेवक बद्रुद्दीन शेख यांच्या निधनाचं वृत्त ऐकल्यानंतर दु:ख झालं. या दु:खात काळात त्यांचे कुटुंब आणि नातेवाईंकासोबत माझ्या संवेदना आहेत’, असं ट्वीट करत काँग्रेस नेते आणि खासदार राहुल गांधी यांनी शोक व्यक्त केला आहे.

गुजरात कांग्रेस के वरिष्ठ नेता और अहमदाबाद नगर निगम में कांग्रेस के पार्षद बदरुद्दीन शेख जी का कोरोना संक्रमण से निधन की खबर सुनकर दुःख हुआ। दुःख की इस घड़ी में मेरी शोक संवेदनाएँ उनके परिवार और प्रियजनों के साथ है।

— Rahul Gandhi (@RahulGandhi) April 27, 2020

आरोग्य मंत्रालयाने रविवारी सकाळी प्रसिद्ध केलेल्या आकडेवारीनुसार गेल्या २४ तासात देशात कोरोनाचे १९९० रुग्ण सापडले आहेत. त्यामुळे देशातील कोरोनाच्या रुग्णांमध्ये लक्षणीय वाढ होऊन ती २६ हजार ४९६ पर्यंत पोहोचली आहे. तर या २४ तासात देशभरात कोरोनामुळे ४९ जणांचा मृत्यू झाला आहे. तर याच काळात ७४१ रुग्ण बरे झाले आहेत. आतापर्यंत देशात ५ हजार ८०४ कोरोनाबाधित पूर्णपणे बरे झाले आहेत. देशातील कोरोनाबाधित मृत्युमुखी पडलेल्या रुग्णांची संख्या ८७२ वर पोहोचली आहे.

गुजरातमध्ये कोरोनाचा प्रादुर्भाव वाढत चालला आहे. गेल्या २४ तासांमध्ये कोरोनाचे २३० नवे रुग्ण आढळले आहेत. त्यामुळे गुजरातमधील कोरोनाबाधितांचा आकडा ३ हजार ३०१ वर पोहचला आहे. तर गेल्या २४ तासांत १८ रुग्णांचा उपचारा दरम्यान मृत्यू झाला आहे. त्यामुळे गुजरातमध्ये कोरोनामुळे मृत्यू झालेल्यांचा आकडा १५१ वर पोहचला आहे.

News English Summary: The incidence of corona is increasing in the country and the number of patients with corona is increasing day by day. In Gujarat, a senior Congress leader has reportedly died due to corona. Badruddin Sheikh, a senior Congress leader and a Congress corporator in the Ahmedabad Municipal Corporation, has died due to corona.

News English Title: Story Gujarat state congress leader Badruddin has passed away due to covid 19 News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.