रिलायन्स इंडस्ट्रीज या क्षेत्रातील कर्मचाऱ्यांच्या पगारात कपात करणार

मुंबई, ३० एप्रिल: रिलायन्स इंडस्ट्रीजच्या व्यवसायावर कोरोना साथीचा परिणाम झाला आहे. विशेषत: हायड्रोकार्बनच्या व्यवसायात तोटा सुरु झाला आहे. कारण रिलायन्सच्या रिफाईंड प्रोडक्ट आणि पेट्रोकेमिकल्सची मागणी कमी झाली आहे.

आता, रिलायन्स इंडस्ट्रीजचे चेअरमन मुकेश अंबानी यांच्या नेतृत्वात कंपनीने हायड्रोकार्बन व्यवसायाशी संबंधित कर्मचार्‍यांचे वेतन कपात करण्याचा निर्णय घेतला आहे. रिलायन्सच्या हायड्रोकार्बन व्यवसायात काम करणाऱ्या ज्या कर्मचार्‍यांचे वार्षिक वेतन १५ लाखाहून अधिक आहे, अशा कर्मचाऱ्यांच्या वेतनात १० टक्क्यांनी कपात केली जाईल.

याशिवाय रिलायन्सचे बडे अधिकारी, संचालक मंडळ, कार्यकारी संचालक यांच्या पगारावरही कात्री लावण्यात आली आहे. या साऱ्या वरिष्ठांना ३० ते ५० टक्के कपात सहन करावी लागणार आहे. तसेच खुद्द रिलायन्सचे अध्यक्ष मुकेश अंबानींनी एकही रुपया न घेण्याचा निर्णय घेतला आहे.

कंपनीने जारी केलेल्या प्रसिद्धी पत्रकामध्ये सांगण्यात आले आहे की, कोरोना महामारीमुळे कंपनीला व्यवसायाची पूणर्बांधणी करण्याची संधी मिळाली आहे. २०१९-२० मध्ये कंपनीच्या संचालकांची एक बैठक झाली होती. यामध्ये ऑडिट अहवालावर चर्चा करण्यात आली होती. आज चौथ्या तिमाहीचे निकाल जाहीर होणार आहेत. याआधीच कंपनीने पगार कपातीची घोषणा केली आहे.

News English Summary: Led by Reliance Industries chairman Mukesh Ambani, the company has decided to cut the salaries of its employees in the hydrocarbon business. Employees working in Reliance’s hydrocarbon business with an annual salary of more than Rs 15 lakh will have their pay cut by 10 per cent.

News English Title: Story Reliance industries decided to reduce the salaries of employees lockdown News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.