हैदराबादमधून हटियासाठी पहिली विशेष रेल्वे गाडी सोडण्याचा निर्णय: ANI वृत्त

हैदराबाद, १ मे: देशातील कोरोनाबाधितांची संख्या ३४ हजार ७८० वर पोहोचली आहे. त्यातील ९०६८ जण बरे झाले असून बुधवारी ६३० जण कोरोनामुक्त झाले. रुग्ण बरे होण्याचे प्रमाण १४ दिवसांमध्ये १३.२४ टक्क्यांवरून २५.१९ वर गेले आहे. देशाचा रुग्ण दुप्पट होण्याचा सरासरी वेग ३.४ वरून ११ दिवसांवर आला आहे. रुग्ण दुप्पट होण्याचा कालावाधी वाढल्याने आरोग्य यंत्रणांना मोठा दिलासा मिळाला आहे, अशी माहिती केंद्रीय आरोग्य मंत्रालयाने गुरुवारी दिली.

दरम्यान, कोरोना विषाणूचा प्रकोप काही राज्यांमध्ये थांबण्याचे नाव घेताना दिसत नाही. या विषाणूचा प्रादूर्भाव रोखण्यासाठी देशभरात लॉकडाऊन लावून लोकांना घरातच राहण्यासाठी आणि सोशल डिस्टन्सिंगचे पालन करण्याचे निर्देश देण्यात आले. परंतु, देशातील वेगवेगळ्या भागात स्थलांतरित मजूर एकत्र आल्याची छायाचित्रे चिंता वाढवणारी ठरत आहेत. तेलंगणाची राजधानी हैदराबादमध्ये मंगळवारी सुमारे २४०० मजुरांनी रस्त्यावर उतरून आंदोलन केल्याचे समोर आले होते.

मात्र आता केंद्रीय गृहमंत्रालयाने या कामगारांना त्यांच्या मूळ घरी पोहोचण्याचे मार्ग काही अटींवर खुले केले असून त्याची देशभर अंमलबजावणी सुरु झाली आहे. तेलंगण सरकारने केलेल्या विनंतीनंतर केंद्रीय रेल्वे मंत्रालयाने हैदराबादमधून हटियासाठी विशेष रेल्वे गाडी सोडण्याचा निर्णय घेतल्याचे एएनआयने म्हटलं आहे.

#VIDEO – हैदराबादमधून हटियासाठी पहली विशेष रेल्वे गाडी सोडण्याचा निर्णय. या रेल्वेला निरोप देण्यासाठी काही रेल्वेचे अधिकारी आणि पोलीस अधिकारी लिंगपपिल्ली स्थनकावर उपस्थित होते. आपल्या राज्यात परत जातानाचा आनंद कामगारांच्या चेहऱ्यावर दिसत होता.

(Source ANI) pic.twitter.com/XFXsvcJxVJ

— महाराष्ट्रनामा न्यूज (@MahanamaNews) May 1, 2020

रेल्वे मंत्रालयाच्या निर्देशनानुसार झारखंडमधील कामगारांना त्यांच्या राज्यात जाता यावे म्हणून ही विशेष रेल्वे सोडण्यात आली. या रेल्वेला निरोप देण्यासाठी काही रेल्वेचे अधिकारी आणि पोलीस अधिकारी लिंगपपिल्ली स्थनकावर उपस्थित होते. महिन्याभराहून अधिक काल लॉकडाउनमध्ये घालवल्यानंतर अखेर आपल्या राज्यात परत जातानाचा आनंद कामगारांच्या चेहऱ्यावर दिसत होता.

Special train was run today from Lingampalli(Hyderabad) to Hatia(Jharkhand)on request of Telangana Govt&as per directions of Railway Ministry. Any other train to be planned as per directions of Ministry of Railways&on request from originating&destination states: Railway official pic.twitter.com/JiGias3BaG

— ANI (@ANI) May 1, 2020

News English Summary: The Union Home Ministry has opened the way for these workers to reach their original homes on certain conditions and its implementation has started across the country. According to ANI, the Union Railway Ministry has decided to launch a special train from Hyderabad to Hatia following a request from the Telangana government.

News English Title: Special train was run today from Lingampalli Hyderabad to Hatia Jharkhand on request of Telangana government directions of Railway Ministry News Latest Updates.