३ तारखेनंतर काही भागात मोकळीक पण....? सविस्तर वाचा

मुंबई, १ मे: कोरोनामुळे गेल्या महिना-दीड महिन्यापासून लॉकडाऊनमध्ये अडकलेल्या राज्यातील नागरिकांसाठी दिलासादायक बातमी आहे. ३ मेनंतर राज्यातील मुंबई, ठाणे, पुणे, नागपूर आणि औरंगाबादसह इतर रेड झोन वगळता इतर झोनमध्ये परिस्थिती पाहून आतापेक्षा अधिक मोकळीक दिली जाईल. लॉकडाऊनमध्ये अधिक शिथिलता दिली जाईल, असं सांगतानाच पण ही शिथिलता देताना कोणतीही घाईगडबड करण्यात येणार नाही. तुम्हीही मोकळीक दिल्यानंतर काळजी घ्यायची आहे. नाही तर आजवर केलेल्या तपश्चर्येवर पाणी फिरेल, असं मुख्यमंत्री म्हणाले.

कोरोनाच्या पार्श्वभुमीवर जाहीर करण्यात आलेला लॉकडाउन ३ मे रोजी संपत असून यानंतर लॉकडाउन वाढवला जाणार की शिथील करणार यासंबंधी चर्चा सुरु आहे. मुख्यमंत्री उद्धव ठाकरे यांनी याबद्दल बोलताना सांगितलं आहे की, “३ मे नंतर काय करायचं हा महत्त्वाचा मुद्दा आहे. आम्ही काय करायचं ? किती वेळ घरी बसायचं ? असा प्रश्न तुम्हाला पडला असेल. अर्थचक्र रुतलं आहे. बेरोजगारी वाढणार असं सांगितलं जात आहे. हे खऱं आहे, नाही असं म्हणणं योग्य नाही.

आता तीन तारखेनंतर लॉकडाऊनमधून अधिक मोकळीक देण्याचा निर्णय आम्ही घेतला आहे. मात्र ही मोकळीक रेड, ऑरेंज आणि ग्रीन झोनप्रमाणे देण्यात येईल, पण ही मोकळीक घाई-गडबड न करता देणार आहोत. लॉकडाऊनमुळे सगळ्यांचीच कामं अडली आहेत, पण ती सुरू करताना आत्तापर्यंत केलेली तपश्चर्या व्यर्थ व्हायला नको. आयुष्याची गाडी धीराने, खंबीरपणे पूर्वपदावर आणायची आहे.

News English Summary: After 3 minutes, except for Mumbai, Thane, Pune, Nagpur and Aurangabad, other zones in the state will be given more leeway than now. It is said that more relaxation will be given in lockdown, but there will be no rush in giving this relaxation. You also want them available to answer your questions when you are feeling uncertain about your suit. If not, the penance will be turned upside down, said the Chief Minister.

News English Title: Story Maharashtra CM Uddhav Thackeray address state on the covid 19 situation News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.