देशात लॉकडाउन आणखी दोन आठवड्याने वाढला

नवी दिल्ली, १ मे: देशभरातील लॉकडाउन दोन आठवड्यांनी वाढवण्याची घोषणा केंद्र सरकारनं केली आहे. यासंदर्भात केंद्र सरकारनं एक पत्रक जारी केलं आहे. ३ मे रोजी लॉकडाउनचा दुसरा टप्पा पूर्ण होणार होता. त्यापूर्वीच पुन्हा एकदा लॉकडाउन वाढवण्याची घोषणा सरकारनं केली आहे. या लॉकडाउन दरम्यान रेड झोनमधील कोणत्याही भागांना सवलत देण्यात येणार नसल्याचं सरकारनं स्पष्ट केलं आहे.

कोरोनाच्या पार्श्वभूमीवर देशात पंतप्रधान नरेंद्र मोदी यांनी 3 मे पर्यंत लॉकडाऊन घोषित केला होता. आता केंद्रीय गृह मंत्रालयाने लॉकडाऊन वाढविण्यात आल्याचे शुक्रवारी परिपत्रक जारी केले आहे. यामध्ये रेड झोनमध्ये कडक संचारबंदी असेल आणि ग्रीन झोनमध्ये उद्योगधंदे सुरु करण्यास परवानगी देण्यात आली आहे. याशिवाय, ग्रीन आणि ऑरेंज झोनसाठी काही अटी-शर्ती शिथिल करण्यात येण्याची शक्यता आहे. मात्र, रेड झोनमध्ये कडक संचारबंदी असणार आहे.

देशात रेड, ऑरेंज आणि ग्रीन झोनमध्ये विभागण्यात आलंय. ग्रीन झोनमध्ये आर्थिक घडामोडींना सूट देण्यात आलीय. ३ मेनंतर या देशातील ७३९ पैंकी ग्रीन झोनमध्ये असलेल्या ३१९ जिल्ह्यांमध्ये फॅक्टरी, दुकानं, छोटे-मोठे उद्योग यांसहीत ट्रान्सपोर्ट आणि इतर सेवा काही अटींसहीत उघडण्याची परवानगी देण्यात आलीय. या जिल्ह्यांत गेल्या २१ दिवसांपासून एकही करोनाबाधित रुग्ण आढळलेला नाही.

Ministry of Home Affairs issues order under the Disaster Management Act, 2005 to further extend the Lockdown for a further period of two weeks beyond May 4: MHA pic.twitter.com/Cw4bkdMTFU

— ANI (@ANI) May 1, 2020

गृह मंत्रालयानं जारी केलेल्या निर्देशानुसार, ग्रीन झोनमध्ये ३१९ जिल्ह्यांत बस सेवा सुरू केली जाऊ शकेल. परंतु, बसची क्षमता ५० टक्क्यांहून अधिक राहणार नाही. त्यामुळे ५० आसनी बसमध्ये केवळ २५ प्रवासीच प्रवास करू शकतील. त्याच पद्धतीने डेपोमध्येही ५० टक्क्यांहून अधिक कर्मचारी कामावर हजर राहणार नाहीत. या जिल्ह्यांत न्हावी, सलून यांसहीत अन्य महत्त्वाच्या सेवा आणि वस्तू पुरवणाऱ्या संस्थांनाही ४ मेपासून सूट मिळू शकेल. सिनेमा हॉल, मॉल, जिम, स्पोर्टस कॉम्प्लेक्स इत्यादी बंद राहतील.

रेड झोनमध्ये काय सुरु काय बंद?

• सायकल रिक्षा, ऑटो रिक्षा, टॅक्सीवर बंदी
• दोन जिल्ह्यांमध्ये होणारी बस वाहतूक बंद.
• केशकर्तनालय दुकाने, स्पा बंद
• रेड झोनमध्ये परवानगी घेऊन चारचाकीमध्ये दोन व्यक्तींना प्रवासाची मुभा असेल.
• अत्यावश्यक सेवा देणारी दुकाने वगळता सर्व दुकाने रेड झोनमध्ये बंद राहतील. मात्र कॉलिनीमध्ये असणारी दुकाने उघडी ठेवणाची परवानगी आहे.

News English Summary: The central government has announced a two-week lockdown across the country. The Central Government has issued a statement in this regard. The second phase of the lockdown was to be completed on May 3. Earlier, the government had announced to increase the lockdown once again. The government has made it clear that no parts of the red zone will be given concessions during the lockdown.

News English Title: Union Government Increased Lockdown Time By Two Weeks Corona virus covid 19 News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.