कामगार महाराष्ट्रातून युपीला बसेसनं घरी; ७ जणांना कोरोनाची लागण

लखनऊ, २ एप्रिल: उत्तर प्रदेश सरकारनं विविध राज्यात अडकलेल्या आपल्या नागरिकांना परत नेण्यासाठी बस सोडल्या होत्या. त्यामाध्यमातून विविध राज्यातील कामगारांना परत नेण्याचं काम सुरू आहे. उत्तर प्रदेश सरकारनं महाराष्ट्रातून कामगारांना बसेसनं घरी पोहोचवलं होतं. या कामगारांची तपासणी केल्यानंतर, यात सात जणांना कोरोनाची लागण झाल्याचं समोर आलं आहे. हे कामगार झाशी मार्गे बस्ती जिल्ह्यात दाखल झाले होते. बस्तीच्या जिल्हाधिकाऱ्यांनी याविषयीची माहिती दिली.

7 labourers who had arrived from Maharashtra via Jhansi in government buses to Basti, have tested positive for COVID19: DM Basti

— ANI UP (@ANINewsUP) May 2, 2020

दरम्यान, लॉकडाऊनमुळं नाशिकमध्ये अडकलेल्या उत्तर भारतीयांना घेऊन आज एक विशेष रेल्वे गाडी लखनऊच्या दिशेनं रवाना झाली. ही विशेष गाडी १६ डब्यांची असून त्यातून ८४५ प्रवासी आपल्या घराकडे निघाले आहेत.

मागील २४ तासांमध्ये देशभरात कोरोनाचे २२९३ नवे रुग्ण आढळून आले आहेत. तर ७१ जणांचा मृत्यू झाला आहे. एकाच दिवसात नोंदवल्या गेलेल्या रुग्णांचा हा आतापर्यंतचा सर्वाधिक मोठा आकडा आहे. गेल्या काही दिवसांमध्ये भारतात प्रत्येक दिवशी साधारण १५०० ते १९०० च्या दरम्यान रुग्णांची संख्या वाढत होती. मात्र, आता पहिल्यांदाच हा आकडा २००० च्या पुढे गेला आहे. भारताच्यादृष्टीने ही अत्यंत चिंतेची बाब आहे.

News English Summary: The Uttar Pradesh government had taken the workers home from Maharashtra by bus. After examining the workers, it was found that seven of them were infected with corona. The workers had entered Basti district via Jhashi. The district collector informed about this.

News English Title: Story 7 Labourers Who Had Arrived From Maharashtra To Basti Have Tested Positive For Covid19 News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.