आईचं ह्रदयविकाराने निधन, शेजाऱ्यांचा मदतीला नकार, मुस्लिम मित्र धावले आणि

कल्याण, २ मे: ठाणे जिल्ह्यात आणि नवी मुंबई महापालिका क्षेत्रात करोनाबाधित रुग्णांच्या संख्येत दिवसेंदिवस वाढ होत असून ठाण्यातील रुग्णांचा आकडा २७९ पर्यंत, तर नवी मुंबईतील रुग्णांचा आकडा २०६ पर्यंत पोहोचला आहे. बुधवारी जिल्ह्यात ६४ नवे रुग्ण सापडले असून त्यात ठाणे आणि नवी मुंबईतील ४१ रुग्णांचा समावेश आहे. त्यामुळे दररोज रुग्णसंख्येत मोठी वाढ होत असल्याने या दोन्ही शहरांत करोनाचा धोका वाढत असल्याचे चित्र आहे.

त्या तुलनेत भिवंडी, कल्याण-डोंबिवली, उल्हासनगर तसेच अन्य शहरांसह ग्रामीण भागांत रुग्णसंख्येचा आकडा फारच कमी असल्याने येथील परिस्थिती काहीशी आटोक्यात असल्याचे चित्र आहे. मात्र सध्या कल्याण डोंबिवलीत देखील सामान्य लोकांमध्ये भीतीचं वातावरण आहे. त्याचाच एक प्रत्यय कल्याणमध्ये आला आहे. म्हणजे एका ७० वर्षीय वृद्ध महिलेचा ह्रदयविकारामुळे मृत्यू झाला, पण कोरोनामुळे मृत्यू झाला असावा या भीतीने त्यांच्या शेजाऱ्यांनी देखील लांब राहणं पसंत केलं. पण दुसऱ्या बाजूला धावले ते त्याच घरातील मुलाचे इतर मुस्लिम मित्र.

झालं असं की ह्रदयविकारामुळे वयाच्या ७० व्या वर्षी प्रभा कलवार यांचा मृत्यू झाला. त्यानंतर कलवार यांच्या मुलांनी शेजाऱ्यांना हाक दिली. मात्र शेजारी कोरोनाच्या भीतीपोटी पुढे आले नाहीत. अखेरीस मुलाच्या मदतीला त्याचे मुस्लिम समाजातील मित्र धावून आले. मुस्लिमांच्या मदतीने कलवार यांच्या पार्थिवावर अंत्यसंस्कार करण्यात आले. लॉकडाऊनच्या काळात माणुसकीचे दर्शन घडले. कलवार यांची दोन मुले परदेशात वास्तव्याला आहे. एक मुलगा नाशिक येथे राहतो. दोन मुले त्यांच्यासोबत राहतात. कलवार या आजारी होत्या. त्या भोईवाडा येथे राहत होत्या. पहाटे तीनच्या सुमारास त्यांची प्रकृती बिघडली. यावेळी त्यांच्या मुलांनी मदतीसाठी शेजाऱ्यांना हाक दिली. मात्र शेजाऱ्यांकडून प्रतिसाद मिळाला नाही.

कोरोनाच्या भीतीपोटी कोणीही पुढे आले नाही. कलवार या पूर्वी रोहिदास वाड्यात राहत होत्या. त्याठिकाणी त्यांच्या मुलांचे काही मुस्लिम मित्र होते. सध्या रमजान सुरु असल्याने मुस्लिम बांधव पहाटेच उठतात. त्यांना रोझाची तयारी करावी लागते. कलवार यांच्या मुलाने आईची प्रकृती खालावल्याचे मित्र शाकीर शेख यांना कळवले. तिला उपचारासाठी रुग्णालयात नेण्यासाठी त्यांनी भोईवाड्यात धाव घेतली. शाकीर यांनी त्यांचे मित्र पप्पू शेख, तौसिफ बागवान, सलमान शेख, कमरुद्दीन शेख, फारीख बीजापूर यांच्या मदतीने रिक्षा करुन कलवार यांना रुग्णालयात नेले. रुग्णालयात नेण्यापूर्वीच कलवार यांचा ह्रदयविकाराच्या झटक्याने मृत्यू झाला होता. कलवार यांचा मृतदेह घरी नेल्यावर त्यांच्या अंत्यविधीची तयारी केली.

हिंदू समाजात अंत्यविधी कसा केला जातो हे जाणून घेतले. फिजिकल डिस्टन्सिंगचे पालन करत बैलबाजार स्मशानभूमीत कलवार यांच्या पार्थिवावर अंत्यसंस्कार केले. रजझानच्या पवित्र महिन्यात शाकीरसह त्यांच्या मुस्लिम बांधवांनी माणुकीचा धर्म जपला आहे.

News English Summary: Learned how funerals are performed in Hindu society. Following the physical distance, Kalwar’s body was cremated at Bailbazar Cemetery. During the holy month of Razzaan, Shakir and his Muslim brothers have practiced the religion of Manuki

News English Title: Story Corona Virus crisis Lockdown Muslims performed last rites of Hindu women in Kalyan News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.