जगभरात लष्कराचा वापर मेडिकल मदतीसाठी; भारतात कोरोना वॅरियर्सला सलामीसाठी होणार

मुंबई, ३ मे: कोरोना साथीच्या या संकटकाळात आपले जीवन पणाला लावल्याबद्दल उद्या रविवारी भारतीय सशस्त्र सैन्याने त्यांच्या शैलीत आभार मानण्याची योजना आखली आहे. यासाठी भारतीय सैन्यदल, नौदल आणि हवाई दलाने जोरदार सराव केल्याचं वृत्त आहे. शनिवारी भारतीय नौदलाच्या जवानांनी मुंबईच्या किनाऱ्यावर कोरोना वॉरियर्सचे आभार मानण्यासाठी सराव केला आहे. विशेष म्हणजे कोणतीही घोषणा न करता मोदी सरकारच्या आदेशाने रचलेला हा तिसरा टास्क आहे जो लष्कराला दिला गेल्याच म्हटलं जातं आहे. परदेशात कोरोनावर नियंत्रण मिळविण्यासाठी लष्कराची मदत घेतली जातं असताना मोदी सरकार गरज नसताना हे नेमकं कशासाठी करत आहे ते कळू शकलेलं नाही. त्यात हे खर्चिक असल्याचं देखील म्हटलं गेलं आहे.

जगभरात लष्कराचा वापर मेडिकल मदतीसाठी; भारतात कोरोना वॅरियर्सला सलामीसाठी.

एवढ्या खर्चिक इव्हेंटची गरज काय?….डॉक्टर्स, नर्सेस, सफाई कामगार आणि पोलिसांच्या मुख्य गरज वेगळ्या आहेत हे सरकारला कधी कळणार?

उद्या सकाळी उठाल तेव्हा देशातील वातावरण भावनिक झालेलं असेल.#CoronaCrisis pic.twitter.com/Fg604anT6G

— महाराष्ट्रनामा न्यूज (@MahanamaNews) May 2, 2020

हवाई दलातर्फे दोन फ्लाय पास्ट केल्या जातील. सीडीएस (चीफ ऑफ डिफेन्स स्टाफ) जनरल बिपिन रावत आणि तिन्ही सैन्य प्रमुखांनी शुक्रवारी सांगितले की यापूर्वी कोरोना रूग्णांवर उपचार करणाऱ्या रुग्णालयांवर फुलांचा वर्षाव केला जाईल. दोन फ्लाय पास्ट पैकी एक श्रीनगर ते त्रिवेंद्रम आणि दुसरा डिब्रूगड ते कच्छ दरम्यान असेल असं स्पष्ट करण्यात आलं आहे.

तर भारतीय तटरक्षक दलाच्या अधिकाऱ्यांनी सांगितले की, सैन्य दलाची तब्बल ४६ जहाज लाईट्सने प्रकाशित केली जातील. तब्बल ७५१६ किलोमीटर किनाऱ्यावर पसरलेल्या २५ ठिकाणी ग्रीन लाईट्सची उधळण होईल आणि जहाजांचे सायरन वाजवले जातील. यासह कोविड १९ संबंधित सेवा देणाऱ्या ५ इस्पितळांवर सुमारे १० हेलिकॉप्टरने फुलांची वर्षाव करण्यात येईल. कोरोना वॉरियर्सच्या सन्मानार्थ, तटरक्षक दलातर्फे त्रिवेंद्रमसह संपूर्ण किनारपट्टीवरील दिवे लावले जातील. गांधीनगरमधील आर्मी बँड कोरोना वॉरियर्सचे आभार मानतील. पोरबंदरमध्येही नौदलाने आपले जहाज सकाळी ७.३० ते दुपारी १२ या वेळेत लाईटसह प्रकाशमय करतील. विशेष म्हणजे सन्मान सोहळा अविस्मरणीय करण्यासाठी नौदलाने शनिवारी सराव केल्याचं वृत्त आहे.

दिल्ली येथे एम्स इस्पितळाबाहेर रविवारी सकाळी १० वाजता, कॅन्ट बोर्ड हॉस्पिटल, नरेलाच्या हॉस्पिटलबाहेर, बेस हॉस्पिटल सकाळी १०.३० वाजता आणि गंगाराम हॉस्पिटल सकाळी ११ वाजता आणि आर अँड आर हॉस्पिटलच्या बाहेर आर्मी बँड सादर करतील. दिल्लीमध्ये सामान्य लोकं एअरफोर्सच्या लढाऊ विमानांचे उड्डाण पाहू शकतील.

News English Summary: The Indian Armed Forces will thank the Indian Armed Forces on Sunday, May 3 in their style for putting their lives at stake in this crisis period of the Corona epidemic. The Indian Army, Navy and Air Force also rehearsed it on Saturday. On Saturday, Indian Navy officers and Jawans held a special exercise to thank the Corona Warriors off the coast of Mumbai.

News English Title: Story Indian Navy Indian Army and Indian Air Force exercises to thank corona warriors News latest updates.