फडणवीस महाराष्ट्रापेक्षा महाराष्ट्रावर अन्याय करणाऱ्यांची बाजू घेऊन बोलतात

मुंबई, ४ मे: आंतरराष्ट्रीय वित्तीय केंद्राच्या (IFSC) वादात महाराष्ट्राची बाजू घ्यायची सोडून देवेंद्र फडणवीस गुजरातचीच वकिली करत असल्याची जळजळीत टीका शिवसेनेकडून करण्यात आली आहे. केंद्र सरकारने १ मे रोजी मुंबईतील प्रस्तावित IFSC केंद्र गुजरातला हलवण्याचा निर्णय घेतला होता. त्यामुळे महाराष्ट्रातील राजकीय वातावरण चांगलेच तापले आहे. यूपीए सरकारने २००७ ते २०१४ या काळात मुंबईतील IFSC केंद्रासाठी काहीच हालचाली केल्या नाहीत. त्यामुळे हे केंद्र गुजरातमध्ये हलवण्यात आले, असे सांगत फडणवीस यांनी मोदी सरकारची बाजू उचलून धरली होती.

केंद्रात गुजरातला झुकते माप देणारे सरकार आहे आणि त्यातून मुंबईत होणारे आंतरराष्ट्रीय वित्तीय सेवा केंद्र गांधीनगर येथे गेले अशी भावना लोकांमध्ये आहे. हे वित्तीय केंद्र मुंबईऐवजी गांधीनगरला कसे गेले यावर आरोप-प्रत्यारोप सुरू आहेत, ते निरर्थक आहेत. देवेंद्र फडणवीस व पृथ्वीराज चव्हाण हे माजी मुख्यमंत्री आता एकमेकांवर जे आरोप करीत आहेत त्यातून महाराष्ट्राला काय मिळणार?, असा सवाल शिवसेनेनं विचारला आहे.

शिवसेनेचे मुखपत्र असलेल्या ‘सामना’तून देवेंद्र फडणवीस यांच्यावर आग ओकण्यात आली आहे. मुंबईतील वित्तीय केंद्र गांधीनगरला कसे गेले, यावरुन सुरु असणारे आरोप-प्रत्यारोप निरर्थक आहेत. अवघ्या १०० दिवसांपूर्वी सत्तेत आलेल्या ठाकरे सरकारवर याचे खापर फोडणे योग्य ठरणार नाही. विरोधी पक्षात असताना शिवसेनेने यावर आवाज उठवला होता. आता हे काम फडणवीस व त्यांच्या नेतृत्वाखालील विरोधी पक्षाने केले पाहिजे. मात्र, फडणवीस हे महाराष्ट्रापेक्षा महाराष्ट्रावर अन्याय करणाऱ्यांची बाजू घेऊन बोलत असतील तर हा विरोधी पक्ष कुचकामी आहे.

शिवसेनेनं देवेंद्र फडणवीस यांच्यावर जोरदार टीका करत केंद्र सरकारने पक्षपात केला हे तुम्हाला मान्य आहे काय?, असा प्रश्न उपस्थित केला आहे. मुंबईतल्या अनेक वित्तीय संस्था, उद्योग-व्यापार गुजरातला हलवून महाराष्ट्राचे मोठे नुकसान केलेच आहे. विरोधी पक्षात असताना शिवसेनेने यावर आवाज उठवला. आता हे काम श्री. फडणवीस व त्यांच्या नेतृत्वाखालील विरोधी पक्षाने केले पाहिजे. फडणवीस हे महाराष्ट्रापेक्षा महाराष्ट्रावर अन्याय करणाऱ्यांची बाजू धरून बोलत असतील तर हा असला विरोधी पक्ष कुचकामी आहे व महाराष्ट्राच्या मुळावर येणाऱ्यांना जनताच मुंबईच्या अरबी समुद्रात बुडवेल.

News English Summary: Shiv Sena has slammed Devendra Fadnavis for advocating for Gujarat instead of taking Maharashtra’s side in the International Financial Center (IFSC) controversy. The central government had on May 1 decided to shift the proposed IFSC center in Mumbai to Gujarat. Therefore, the political atmosphere in Maharashtra is very hot. From 2007 to 2014, the UPA government did nothing for the IFSC center in Mumbai. Therefore, this center was shifted to Gujarat, said Fadnavis, who had sided with the Modi government.

News English Title: Story Shivsena slams opposition leader Devendra Fadnavis and BJP after IFSC moved to gujarat from Mumbai News Latest Updates.