फेसबुक व गुगल २०२० संपेपर्यंत Work From Home निर्णयाच्या तयारीत

वॉशिंग्टन, ९ मे: जगभरात ३८ लाख ५० हजारांवर लोकांना कोरोनाची लागण झाली असून २ लाख ६६ हजारांवर लोकांचा मृत्यू झाला आहे. कोरोनाची सर्वाधिक झळ बसलेल्या अमेरिकेत कोरोना बळींची संख्या ७५ हजारांच्या जवळ पोहचली असून कोरोनाची साथ आल्यापासून अमेरिकेत बेरोजगार झालेल्यांची संख्या ३ कोटी ३० लाखांपर्यंत पोहचली आहे. यावरून कोरोनाचे संकट किती भयावह आहे हे लक्षात येईल.

कोरोनाची सर्वाधिक झळ अमेरिकेला बसली आहे. त्यानंतर ब्रिटनमध्ये कोरोनाचे ३० हजारावर बळी गेले आहेत. इटलीमध्ये २९ हजार ६८४ मृत्युमुखी पडले आहेत. तर स्पेनमध्ये २६ हजारावर बळी गेले आहेत. फ्रान्समध्ये २५ हजार ८०० हून अधिक बळी गेले आहेत. हे पाच देश असे आहेत ज्या देशांमध्ये आतापर्यंत सर्वाधिक लोक कोरोनामुळे मृत्युमुखी पडले आहेत.

दरम्यान, कोरोनाचा प्रादुर्भाव जगभरातील १८० हून अधिक देशांमध्ये झाला आहे. अनेक कंपन्यांनी त्यांच्या कर्मचाऱ्यांना घरुन काम करण्याची मुभा दिली आहे. या कंपन्यामध्ये अगदी गुगल आणि फेसबुकसारख्या बड्या कंपन्यांच्याही मसावेश आहे. आता या दोन कंपन्यांनी कोरोनाच्या पार्श्वभूमीवर आपल्या कर्मचाऱ्यांना २०२० संपपर्यंत घरुन काम करण्याची मुभा देणार आहेत. लवकरच दोन्ही कंपन्या यासंदर्भातील औपचारिक घोषणा करणार असल्याचे ‘हिंदुस्तान टाइम्स’ने आपल्या वृत्तात म्हटलं आहे.

‘द व्हर्ग’मधील वृत्तानुसार फेसबुकने हा निर्णय घेताना अनेक गोष्टींचा विचार केला आहे. आरोग्य यंत्रणांनी दिलेला इशारा, सरकारने दिलेला इशारा या सर्वांचा विचार करुन कंपनीने काही कर्मचाऱ्यांना कार्यलयातून काम करण्यासंदर्भात परवानगी देऊ शकते. सध्या तरी कंपनीचे अनेक कार्मचारी हे घरुनच काम करत आहेत. याआधीच फेसबुकने २०२१ पर्यंतचे सर्व इव्हेंट रद्द करण्याची घोषणा केली आहे. गुगलनेही आपल्या कर्मचाऱ्यांना २०२० संपेपर्यंत घरुन काम करण्यासंदर्भात सुचना दिल्याचे वृत्त आहे. ‘द इन्फॉर्मेशन’ने दिलेल्या वृत्तानुसार गुगल अल्फाबेटचे प्रमुख कार्यकारी अधिकारी सुंदर पिचाई यांनी ज्या कर्मचाऱ्यांना घरुन काम करणं शक्य आहे असं म्हटलं आहे.

News English Summary: Corona has been reported in more than 182 countries around the world. Many companies allow their employees to work from home. These companies include even big companies like Google and Facebook. Now the two companies will allow their employees to work from home until the end of 2020 on the back of the corona.

News English Title: Story corona virus Facebook Google will let most employees work from home through 2020 Covid 19 News Latest Updates.