गुजरात: कोरोना नष्ट करण्यासाठी आनंदीबेन पटेल यांना मुख्यमंत्री करा - भाजप खासदार

गांधीनगर, ९ मे: देशातील कोरोनाबाधितांची संख्या ६० हजारांच्या जवळ पोहोचली आहे. आतापर्यंत २०० हून अधिक जिल्ह्यांमध्ये कोरोनाचा एकही रुग्ण सापडलेला नाही. तर दुसरीकडे देशातल्या जवळपास ७५ जिल्ह्यांमध्ये कोरोना रुग्णांची झपाट्यानं वाढते आहे. त्यामुळे आता भारतीय वैद्यकीय संशोधन परिषद (आयसीएमआर) या जिल्ह्यांमधल्या परिस्थितीचा आढावा घेणार आहे. या जिल्ह्यांमध्ये कम्युनिटी ट्रान्समिशनला सुरुवात झाली आहे का, याचा अभ्यास आयसीएमआरकडून केला जाणार आहे.

मागील २४ तासांमध्ये देशात ३३२० नवे रुग्ण आढळून आले आहेत. तर ९५ जणांचा मृत्यू झाला आहे. देशातील एकूण कोरोनाबाधितांची संख्या आता ५९ हजार ६६२ इतकी झाली आहे. यापैकी ३९ हजार ८३४ रुग्णांवर सध्या उपचार सुरु आहेत. तर १७ हजारहून अधिक लोक कोरोनातून पूर्णपणे बरे झाले आहेत.

महाराष्ट्र आणि गुजरातमध्ये कोरोनाचे सर्वाधिक रुग्ण आहेत. अशावेळी भाजपाचे राज्यसभेचे खासदार सुब्रमण्यम स्वामी यांनी गुजरातमधून कोरोना हद्दपार करायचा असेल, तर मुख्यमंत्र्यांना हटवा अशी मागणी स्वामी यांनी केली आहे.

कोरोनामुळे गुजरातमध्ये मरण पावलेल्यांची संख्या ४५० हून अधिक आहे. गुजरातमध्ये एकूण रुग्णसंख्येच्या सहा टक्के रुग्णांचा मृ्त्यू होत असल्याचे आकडेवारीवरुन दिसून येत आहे. ही टक्केवारी देशातील कोरोनाग्रस्तांच्या संख्येचा विचार करता अधिक आहे. याच पार्श्वभूमीवर राज्यातील परिस्थिती नियंत्रणात आणण्यासाठी आनंदीबेन पटेल यांना मुख्यमंत्री पदी नियुक्त करावं अशी मागणी स्वामी यांनी ट्विटवरुन केली आहे. “गुजरातमध्ये कोरोनामुळे दगावणाऱ्या रुग्णांची संख्या कमी करायची असल्यास आनंदीबेन पटेल यांना पुन्हा मुख्यमंत्री बनवावे,” असं स्वामी यांनी आपल्या ट्विटमध्ये म्हटलं आहे.

Gujarat can be stabilised for Coronavirus Casualty numbers only if Anandibehn Patel returns as CM

— Subramanian Swamy (@Swamy39) May 8, 2020

News English Summary: In Gujarat, Anandiben Patel should be made the Chief Minister again if the number of patients suffering from corona is to be reduced, Swamy said in his tweet.

News English Title: Story corona virus Anandiben Patel returns as Chief Minister is only option to stabilized Gujarat covid 19 casualty says BJP MP Subramanian Swamy News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.