कोरोना संकटात भारताला जागतिक बँकेकडून एक बिलियन डॉलरची मदत

नवी दिल्ली, १५ मे: कोरोना संकटाच्या पार्श्वभूमीवर जागतिक बँकेने भारताला मोठा दिलासा दिला आहे. जागतिक बँकेने भारताला एक बिलियन डॉलरचं पॅकेज जाहीर केले आहे. हे सामाजिक संरक्षण पॅकेज आहे. यापूर्वी कोरोनाशी युद्धासाठी ब्रिक्स देशांच्या न्यू डेव्हलपमेंट बँकेने आपत्कालीन मदत म्हणून एक अरब डॉलरची मदत जाहीर केली होती.

जागतिक बँकेचे हे एक अब्ज डॉलरचे (सुमारे ७६०० कोटी) पॅकेज देशातील कोरोना रुग्णांच्या चांगल्या तपासणीसाठी, कोविड रुग्णालयांचा दर्जा वाढवण्यासाठी तसेच प्रयोगशाळेसाठी इमारत बांधण्यासाठी वापरले जाऊ शकते. जागतिक बँकेने यापूर्वी २५ विकसनशील देशांना पॅकेज देण्याचा प्रस्ताव ठेवला होता.

जागतिक बँकेनं मुख्यत: शहरी गरीब आणि स्थलांतरित मजुरांसाठी मदत जाहीर केली आहे. लॉकडाऊनमुळे हातावर पोट असलेल्या अनेकांसमोर उदरनिर्वाहाचा प्रश्न झाल्यानं लाखो मजूर त्यांच्या गावाकडे परतत असल्याचं चित्र देशभरात पाहायला मिळत आहे. त्यांच्यासाठी जागतिक बँकेनं सामाजिक सुरक्षा पॅकेज जाहीर केलं आहे. सरकारच्या ४०० हून अधिक सामाजिक सुरक्षा योजनांच्या माध्यमातून नागरिकांपर्यंत मदत पोहोचवण्यात येईल, असं जागतिक बँकेनं म्हटलं आहे.

कोरोना संकटात जागतिक बँकेकडून भारताला एक अब्ज डॉलर्सची मदत

(Source: ANI) pic.twitter.com/8Aoo68eZ15

— महाराष्ट्रनामा न्यूज (@MahanamaNews) May 15, 2020

कोरोनाचा प्रसार रोखण्यासाठी केंद्र सरकारनं लॉकडाउनचा निर्णय घेतला. पण, लॉकडाउनमुळे थेट अर्थचक्रावरच परिणाम झाला असून, आर्थिक संकटानं डोकं वर काढलं आहे. त्यामुळे सरकारच्या महसूलावर परिणाम झाला असून, राज्यांनही आर्थिक झळ सोसावी लागत आहे. या आर्थिक संकटाला तोंड देण्यासाठी पंतप्रधान नरेंद्र मोदी यांनी २० लाख कोटी रुपये जाहीर केले होते.

News English Summary: The World Bank has offered great relief to India in the wake of the Corona crisis. The World Bank has announced a 1 billion package for India. This is a social protection package. Earlier, the BRICS New Development Bank announced 1 billion dollar in emergency aid for the war with Corona.

News English Title: The World Bank has announced a 1 billion package for India to fight corona crisis News latest updates.