मुख्यमंत्र्यांकडून गोरेगाव नेस्को मैदानावरील १००० खाटांच्या कोरोना केंद्राची पाहणी

मुंबई, १५ मे: देशभरात कोरोना विषाणूने घातलेलं थैमान पाहता आता, संपूर्ण देश हा लॉकडाऊनच्या चौथ्या टप्प्याच्या दिशेने वाटचाल करत आहेत. सध्या सुरु असणारा टाळेबंदीचा तिसरा टप्पा हा अवघ्या काही दिवसांतच संपून औपचारिकरित्या देश या नव्या टप्प्यात प्रवेश करणार आहे. १८ मे पासून सुरु होणारा चौथा लॉकडाऊन हा काही अंशी वेगळ्या स्वरुपाचा असेल.

दरम्यान राज्याचे आरोग्यमंत्री राजेश टोपे यांनी प्रसार माध्यमांना लॉकडाऊनच्या चौथ्या टप्प्याविषयीच्या प्रश्नाचंही उत्तर दिलं. या टप्प्यात ग्रीन झोन पूर्णपणे सुरु राहतील अशी अपेक्षा त्यांनी व्यक्त केली. तर, ऑरेंज झोनमध्येसुद्धा कंटेन्मेंट क्षेत्र वगळता इतर भाग हा सुरु केला जाऊ शकतो. राज्यात अनेक जिल्हे आणि गावांमध्ये कोरोनाचे रुग्ण आढळलेले नाहीत. त्यामुळे या भागांमध्ये बऱ्याच अंशी लॉकडाऊनला शिथिलता दिली जाऊ शकते असं ते म्हणाले.

अमुक एक भाग रेड झोनचा जिल्हा असला तरीही अशा ठिकाणी कंटेन्मेंट झोन वगळता इतर सर्व भागांमद्ये व्यवसाय आणि उद्योग पूर्णपणे सुरु रहावेत असं आपलं ठाम मत असल्याचं राजेश टोपे म्हणाले. रेड झोनमध्ये सर्वसामान्य नागरिकांना इतरत्र वावरण्याची मुभा मिळणार नाही हा अतिशय महत्त्वाच मुद्दा त्यांनी स्पष्ट केला. कोणीही उठावं कुठेही फिरावं, असं बेजबाबदार वर्तन अजिबात खपवून घेतलं जाणार नसल्याचा इशारा त्यांनी दिला.

विशेष म्हणजे पावसाळा तोंडावर आल्याने राज्य सरकारने जास्तीत जास्त कोरोना उपचार केंद्र तयार ठेवण्यावर भर दिला आहे. आज स्वतः शरद पवार आणि मुख्यमंत्री उद्धव ठाकरे यांनी मुंबईतील कोरोना उपचार केंद्रांचा प्रत्यक्ष आढावा घेतला. त्यानिमित्त मुख्यमंत्री उद्धव ठाकरे यांनी आज गोरेगाव येथील नेस्को मैदानावर उभारलेल्या १००० खाटांच्या क्षमतेच्या कोरोना काळजी केंद्राची प्रत्यक्ष भेट देऊन पाहणी केली.

मुख्यमंत्री उद्धव बाळासाहेब ठाकरे यांनी आज गोरेगाव येथील नेस्को मैदानावर उभारलेल्या १००० खाटांच्या क्षमतेच्या कोरोना काळजी केंद्राची पाहणी केली.

CM Uddhav Balasaheb Thackeray today inspected a 1,000 bed Corona Care Centre(CCC) which has been developed at NESCO, Goregaon. pic.twitter.com/XrUG9d2C3v

— CMO Maharashtra (@CMOMaharashtra) May 15, 2020

News English Summary: Sharad Pawar and Chief Minister Uddhav Thackeray inspected the Corona treatment centers in Mumbai. On the occasion, Chief Minister Uddhav Thackeray visited the 1000 bed capacity Corona Care Center at Nesco Ground in Goregaon today.

News English Title: CM Uddhav Balasaheb Thackeray today inspected a 1000 bed Corona Care Centre which has been developed at NESCO Goregaon News Latest Updates.