कोरोना व्हायरसचे अजून एक गंभीर लक्षण समोर; डब्ल्यूएचओ'ने दिली माहिती

जिनिव्हा, १७ मे – जगभरात ४३ लाखांहून अधिक लोकांना कोरोनाची लागण झाली आहे तर ३ लाखांहून जास्त लोकांचा मृत्यू झाला आहे. दुसरीकडे भारतात लॉकडाऊन ३ चा आजचा शेवटचा दिवस असून आज लॉकडाऊन ४ ची घोषणा होण्याची शक्यता आहे. तरीही देशातील कोरोनाग्रस्तांचा आकडा कमी होताना दिसत नाही. मागच्या २४ तासात देशामध्ये ५ हजार रुग्ण सापडल्याचे निदर्शनास आले आहे. देशात एकूण कोरोना रुग्णांची संख्या ९० हजार ९२७ झाली आहे. यामध्ये ५३ हजार ९४६ रुग्ण पॉझिटीव्ह आहेत. दरम्यान २, ८७२ जणांचा कोरोनामुळे मृत्यू झालाय. ३४ हजार १०९ रुग्ण बरे झाले आहेत ही दिलासादायक बाब आहे. केंद्रीय आरोग्य विभागाने याबद्दल माहिती दिली आहे.

मात्र जागतिक आरोग्य संघटनेने (डब्ल्यूएचओ) जगाला कोरोना विषाणूच्या नवीन लक्षणांबद्दल इशारा दिला आहे. डब्ल्यूएचओच्या तज्ज्ञांनी सांगितले की, बोलण्यात येत असलेली अडचण म्हणजे कोरोना व्हायरसचे एक गंभीर लक्षण आहे. आतापर्यंत जगभरातील डॉक्टर केवळ खोकला किंवा ताप ही कोरोना विषाणूची दोन मुख्य लक्षणे आहेत असं सांगत होते.

डब्ल्यूएचओने म्हटलं आहे की, कोरोना विषाणूमुळे ग्रस्त बहुतेक लोकांना श्वासोच्छवासाची हलकी समस्या असू शकते आणि विशिष्ट उपचारांशिवाय ते बरे होतील. कोरोना विषाणूच्या गंभीर लक्षणांमध्ये श्वास घेण्यास त्रास होणे आणि छातीत दुखणे येणे, बोलणे किंवा चालण्यात अडचण येणे हीदेखील कोरोना विषाणूची गंभीर लक्षणे समाविष्ट आहेत. त्यामुळे डॉक्टरकडे जाण्यापूर्वी एकदा हेल्पलाइनचा सल्ला घ्यावा. बोलण्यात अडचण नेहमीच कोरोना विषाणूचे लक्षण नसते. कधीकधी इतर कारणांमुळे बोलण्यास त्रास येतो असं देखील स्पष्ट केलं आहे.

News English Summary: The World Health Organization (WHO) has warned the world about new symptoms of the corona virus. According to WHO experts, the difficulty in speaking is a serious symptom of the corona virus. Until now, doctors around the world have been saying that only cough or fever are the two main symptoms of the corona virus.

News English Summary: Difficulty In Speaking Could Be New Serious Symptom Of Corona virus say WHO News Latest Updates.