सिंधुदुर्ग जिल्ह्यात कोरोनाचे ८ नवे रुग्ण; तर मुंबई पोलिसदलातही आकडा वाढतोय

मुंबई, २३ मे: राज्यातील करोनाबाधित रुग्णांची एकूण संख्या ४४ हजार ५८२ झाली आहे. आज २९४० नवीन रुग्णांचे निदान झाले आहे. मुंबईत एकूण २७,२५१ रुग्णसंख्या झाली असून, राज्यात ६३ रुग्णांचा मृत्यू झाला असून मुंबईत २७ करोना रुग्ण मरण पावले. राज्यात आज ८५७ करोनाबाधित रुग्णांना घरी सोडण्यात आले असून आतापर्यंत राज्यभरात १२ हजार ५८३ रुग्ण बरे झाले आहेत. राज्यात सध्या ३० हजार ४७४ रुग्णांवर उपचार सुरू असल्याचे आरोग्यमंत्री राजेश टोपे यांनी सांगितले.

विशेष म्हणजे सिंधुदुर्ग जिल्ह्यात कोरोनाचे नव्याने आठ रुग्ण सापडले असून जिल्ह्यात एकच खळबळ माजली आहे. याबाबतचे स्वॅब दोन दिवसांपूर्वी कोल्हापूर येथे पाठवण्यात आले होते, त्यामध्ये हे रुग्ण पॉझिटिव्ह निघाले आहेत. कोरोना रुग्णांमध्ये कणकवलीतील सहा तर मालवण व वैभववाडी तालुक्यातील एक एक रुग्णाचा समावेश आहे.

याबाबतच्या माहितीला जिल्हा शल्यचिकित्सक जिल्हा चाकूरकर यांनी दुजोरा दिला आहे. त्यामुळे सिंधुदुर्ग जिल्ह्यात कोरोना रुग्णांची संख्या १६ झाली आहे. कणकवली तालुक्यातील डांबरे येथील ४ रुग्ण, ढालकाठी येथील २, मालवण तालुक्यातील हिवाळे येथील १ तर वैभववाडी तालुक्यातील नाधवडे येथील १ रुग्णाचा यात समावेश आहे.

तर मुंबईसह राज्यातील पोलिस दलातील अधिकारी, कर्मचाऱ्यांना कोरोनाची लागण होण्याचे प्रमाण वाढतच असून, त्यामुळे पोलिस दलासह त्यांच्या कुटुंबीयांमध्येही चिंतेचे वातावरण पसरले आहे. गुरुवारपर्यंत राज्यातील पोलिस दलातील कोरोनाबाधित अधिकारी, कर्मचाऱ्यांची संख्या १,६६६ इतकी झाली. दोन दिवसांत तब्बल २८८ पोलिसांना लागण झाली आहे. कोरोनामुळे आत्तापर्यंत मृत्यू झालेल्या अधिकारी, कर्मचाऱ्यांची संख्या १७ इतकी आहे.

News English Summary: The total number of corona patients in the state has reached 44,582. Today 2940 new patients have been diagnosed. A total of 27,251 patients have died in Mumbai, while 63 patients have died in the state, while 27 crore patients have died in Mumbai.

News English Title: corona virus 8 patients were found in Sindhudurg same day News Latest Updates.