मुंबईच्या लाईफलाईन सेवेबाबत शरद पवार आणि मुख्यमंत्री रेल्वेमंत्र्यांशी बोलणार

मुंबई, २३ मे : राज्यातील लॉकडाऊनच्या पार्श्वभूमीवर शनिवारी मुख्यमंत्री उद्धव ठाकरे आणि राष्ट्रवादी काँग्रेसचे सर्वेसर्वा शरद पवार यांच्यात महत्त्वपूर्ण बैठक पार पडली. यावेळी दोन्ही नेत्यांमध्ये मुंबईतील लोकल ट्रेन सुरु करण्याबाबत एकमत झाले. किमान अत्यावश्यक सेवेतील कर्मचाऱ्यांसाठी तरी लोकल सेवा सुरु करावी, असे बैठकीत निश्चित झाले. त्यानुसार आता मुख्यमंत्री उद्धव ठाकरे आणि शरद पवार केंद्रीय रेल्वेमंत्री पीयूष गोयल यांच्याशी चर्चा करणार आहेत. यावेळी ते मुंबईची लाईफलाईन सुरु करण्याची विनंती रेल्वेमंत्र्यांना करतील.

दुसरीकडे भारतीय रेल्वेने राजधानी स्पेशल गाडीच्या रिझर्व्हेशन पद्धतीमध्ये बदल केला आहे. या गाड्यांसाठी अ‍ॅडव्हान्स रिझर्व्हेशन पीरियड दिवसांवरून दिवस करण्याचा निर्णय घेण्यात आला आहे. रेल्वेकडून १५ राजधानी एक्सप्रेस स्पेशल ट्रेन चालवत आहे. आता या गाड्यांसाठी तात्काळ बुकिंग सेवा उपलब्ध नाही आहे. या गाड्यांमध्ये RAC आणि वेटिंग लिस्ट सुद्धा जारी करण्यात येईल. मात्र वेटिंग लिस्टमध्ये असणाऱ्यांना प्रवास करता येणार नाही. ४ तास आधी प्रवाशांचा पहिला चार्ट जारी केला जाईल तर दुसरा चार्ट दोन तास आधी जारी केला जाईल. भारतीय रेल्वेने १ जून २०२० पासून सुरू होणाऱ्या विशेष ट्रेनसाठी बुकिंग सुरू केले आहे.

राज्यातील करोनाबाधित रुग्णांची एकूण संख्या ४४ हजार ५८२ झाली आहे. आज २९४० नवीन रुग्णांचे निदान झाले आहे. मुंबईत एकूण २७,२५१ रुग्णसंख्या झाली असून, राज्यात ६३ रुग्णांचा मृत्यू झाला असून मुंबईत २७ करोना रुग्ण मरण पावले. राज्यात आज ८५७ करोनाबाधित रुग्णांना घरी सोडण्यात आले असून आतापर्यंत राज्यभरात १२ हजार ५८३ रुग्ण बरे झाले आहेत. राज्यात सध्या ३० हजार ४७४ रुग्णांवर उपचार सुरू असल्याचे आरोग्यमंत्री राजेश टोपे यांनी सांगितले.

News English Summary: An important meeting between Chief Minister Uddhav Thackeray and NCP supremo Sharad Pawar was held on Saturday against the backdrop of lockdown in the state. At this time, the two leaders agreed to start a local train in Mumbai.

News English Title: CM Uddhav Thackeray and Sharad Pawar agreed to start a local train in Mumbai News Latest Updates.