आज ४ वाजता देवेंद्र फडणवीस यांची महत्वाची पत्रकार परिषद

मुंबई, २६ मे: महाराष्ट्रात एकीकडे कोरोना रुग्णांची संख्या झपाट्याने वाढत आहे. तर दुसरीकडे राजकीय हालचालींना वेग आला आहे. कोरोनाच्या पार्श्वभूमीवर राज्यात राष्ट्रपती राजवट लागू करण्याची मागणी विरोधकांकडून होत असतानाच राज्य सरकार अस्थिर करण्याचे विरोधकांचे प्रयत्न सुरू असल्याचा दावा सत्ताधाऱ्यांकडून करण्यात येत आहे. त्यातच आता विधानसभेचे विरोधी पक्षनेते देवेंद्र फडणवीस यांनी पत्रकार परिषद बोलावली आहे. आज दुपारी ४ वाजता फडणवीस पत्रकारांशी संवाद साधणार असून संपूर्ण राजकीय घडामोडींच्या पार्श्वभूमीवर ते काय बोलणार याकडे सर्वांचे लक्ष लागले आहे.

दरम्यान, भाजपाने सरकारविरोधात पुकारलेले आंदोलन, राजभवनावर भेटीसाठी लागलेल्या नेत्यांच्या रांगा आणि नारायण राणेंनी केलेली राष्ट्रपती राजवटीची मागणी. या सर्व वेगवान घडामोडींमुळे राजकीय वर्तुळात विविध तर्क-वितर्क लढवले जात आहेत.

दरम्यानच्या काळात सत्तास्थापनेच्या वेळीही मातोश्रीची पायरी न चढलेल्या शरद पवार यांनी सोमवारी संध्याकाळी मुख्यमंत्री उद्धव ठाकरे आणि शिवसेनेचे खासदार संजय राऊत यांची मातोश्री बंगल्यावर भेट घेतली. त्यामुळेच राजकीय चर्चांना सोमवार संध्याकाळपासूनच उधाण आलं आहे. महाराष्ट्रामध्ये पुन्हा एकदा राष्ट्रपती राजवट लागणार का यासंदर्भात चर्चा सुरु झाल्या आहेत.

News English Summary: Leader of Opposition in the Assembly Devendra Fadnavis has called a press conference. Fadnavis will be interacting with journalists at 4 pm today.

News English Title: Leader of Opposition in the Assembly Devendra Fadnavis has called a press conference News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.