धारावीत परिस्थिती सुधारत असताना गावाला जाण्यासाठी धारावीतील मजुरांची रस्त्यावर गर्दी

मुंबई, २८ मे: कोरोनाचा हॉटस्पॉट असलेल्या धारावीतील रस्त्यांवर आज गावाला जाण्यासाठी हजारो मजूर कुटुंबीयासह सामान घेऊन आले होते. श्रमिक रेल्वेतून जाण्यासाठी हे मजूर स्टेशनपर्यंत जाणाऱ्या बसची सकाळपासून वाट पाहत होते. यादरम्यान धारावीच्या रस्त्यावर सोशल डिस्टन्सिंगचा फज्जा उडाल्याचे समजताच पोलिसांनी तेथे येऊन या मजुरांना रांगेत उभे केले.

बिहार आणि मध्य प्रदेश आदी राज्यांत आज श्रमिक रेल्वे सोडण्यात आल्या. त्यामुळे धारावीतून दादर, मुंबई सेंट्रल, लोकमान्य टिळक टर्मिनस आणि छत्रपती शिवाजी महाराज टर्मिनस या रेल्वे स्थानकांवर जाण्यासाठी बस सोडण्यात आल्या. या बस आणि एसटीमध्ये बसून रेल्वे स्थानकात जाण्यासाठी मजुरांनी धारावीच्या रस्त्यावर गर्दी केली होती. त्यामुळे पोलिसांनी तात्काळ घटनास्थळी धाव घेऊन मजुरांना रांग लावण्यास सांगितले. यावेळी मजुरांच्या लांबच लांब रांगा लागल्या आहेत.

दुसरीकडे धारावीसह आसपासचा परिसर कोरोनाचा हॉटस्पॉट बनला आहे. मात्र दिलासा देणारी बाब अशी की, आता धारावीतील कोरोना प्रकरणांमध्ये किंचित सुधारणा झाली आहे. बुधवारी एका दिवसात किमान १८ संक्रमित रुग्ण आढळून आले आहेत. त्याच वेळी, कोरोनाची दुप्पट वाढ आणि सरासरी वाढीचा दर देखील कमी झाला आहे.

धारावी येथे एकूण १ हजार ५४१ कोरोनाग्रस्त आहेत. त्यापैकी ४५३ पूर्णपणे बरे झाले आहेत. येथे कोरोना दुप्पटीचा दर आता ३ दिवसांवरून १९ दिवसांवर आला आहे, तर संपूर्ण मुंबईत हा दर ११ दिवसांचा आहे. जर अशी स्थिती असेल तर धारावीत देखील डी वॉर्ड (वरळी, लोअर परेल) सारखी सुधारणा पाहायला मिळेल. २१ मे पर्यंत ८१२ रुग्ण होते त्यापैकी ४१० बरे झाले आहेत.

धारावीमध्ये आतापर्यंत ५९ जणांचा मृत्यू झाला आहे. उत्तर मुंबईच्या जी वॉर्डात एकूण २ हजार ७७ कोरोना रुग्ण आहेत. या प्रभागात दादर, माहीम, धारावी असे भाग आहेत. जी वॉर्डातील कोरोनाचा सरासरी दर ५.१ टक्क्यांपर्यंत खाली आला असून गेल्या सात दिवसांत कोरोना संक्रमण लक्षात घेता त्याचे मूल्यांकन केले गेले आहे. तर मुंबईतील कोरोनाचा सरासरी विकास दर ६% आहे.

News English Summary: Thousands of laborers, along with their families, had come to the village today on the streets of Dharavi, the hotspot of Corona. The workers had been waiting for the bus to reach the station since morning. Meanwhile, the police came to the spot and lined up the laborers as soon as they came to know about the social disturbance on the Dharavi road.

News English Title: Migrants gathered at Dharavi Slum area to Leave for Native Place News Latest Updates.