मान्सूनचं केरळ किनारपट्टीवर आगमन, लवकरच महाराष्ट्रात धडकणार

थिरुअनंतपूरम, १ जून: भारतात मान्सूनचं आगमन झालं असून केरळ किनारपट्टीवर धडक दिली आहे. भारतीय हवामान खात्याचे संचालक मृत्यूंजय मोहपात्रा यांनी पीटीआयशी बोलताना ही माहिती दिली आहे.

Southwest monsoon hits Kerala: IMD

— Press Trust of India (@PTI_News) June 1, 2020

यंदा मान्सून ठरलेल्या वेळेपूर्वीच केरळमध्ये दाखल झाला आहे. मान्सून आणि हवामानविषयक माहिती देणाऱ्या स्कायमेटने दिलेल्या माहितीनुसार (Skymet) दक्षिण पश्चिम मान्सून यावर्षी ३० मे रोजीच केरळमध्ये दाखल झाला आहे. गेल्या वर्षीच्या तुलनेत यावर्षी मान्सून ८ दिवस आधीच केरळमध्ये पोहोचला आहे. गेल्या आठवड्यात मान्सून १ जूनपर्यंत पोहोचेल, असा अंदाज हवामान विभागाने वर्तवला होता. मात्र मान्सून १ जूनपूर्वीच दाखल झाला. २ ते ४ जून दरम्यान मुंबई व उपनगरामध्ये पावसाची शक्यता वर्तवण्यात आली होती. मात्र, पावसाने आज मुंबईत हजेरी लावली.

दरम्यान मुंबईत आज सकाळी पावसाने हजेरी लावल्याचं पहायला मिळालं. दुसरीकडे अरबी समुद्रात निर्माण झालेल्या कमी दाबाच्या क्षेत्रामुळे रविवारी रात्री राज्यात अनेक ठिकाणी वादळी पावसाने हजेरी लावली. समुद्रातील कमी दाबाचे क्षेत्र तीव्र होत जाणार असल्याने कोकणासह राज्याच्या बहुतांश भागाला पुढील चार दिवस पूर्वमोसमी वादळी पावसाचा तडाखा बसण्याची शक्यता हवामान विभागाने वर्तवली आहे.

News English Summary: The monsoon has arrived in India and has hit the Kerala coast. This information was given by Mrityunjay Mohapatra, Director, Indian Meteorological Department, while talking to PTI.

News English Title: The monsoon has arrived in India and has hit the Kerala coast News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.