सोशल डिस्टन्सिंगचा फज्जा; रेल्वेत प्रचंड गर्दी; कर्मचाऱ्यांचा रेलरोको

मुंबई, १ जून: कोरोना प्रादुर्भावाच्या काळातही काम करणाऱ्या रेल्वे कर्मचाऱ्यांवर आज आंदोलन करण्याची वेळ आली. या कामगारांची ने-आण करण्यासाठी शटल सेवा सुरू करण्यात आली आहे. मात्र या रेल्वेत प्रचंड गर्दी होत असून चढायलाही जागा मिळत नसल्याने या कामगारांनी अखेर आज रेल्वे रोको केला. विद्याविहार येथे रुळावर उतरून या कामगारांनी रेल्वे रोको केल्याने रेल्वे प्रशासनाची तारांबळ उडाली होती.

विद्याविहार रेल्वे स्थानकात रेल्वे कर्मचाऱ्यांचा रेल रोको
रेल्वे कर्मचारी यांच्यासाठी असलेल्या विशेष गाडीत क्षमतेपेक्षा जास्त लोकं असल्याने,social distancing पाळणे शक्य नसल्याने संताप व्यक्त करत रेल्वे कर्मचारी रेल्वे रुळावर उतरले (5.45 pm)#Mumbaitrainupdates@AmhiDombivlikar pic.twitter.com/1xGuA3ny0v

— Mumbaitrainupdates™🐦🇮🇳 (@Mumbaitrainupd8) June 1, 2020

मुंबईत रेल्वे कर्मचाऱ्यांना जाता यावं म्हणून शटल सुरु करण्यात आली. मात्र आता या शटलमध्येही गर्दी होऊ लागली आहे. अत्यावश्यक सेवेतील कामगार असलेल्या रेल्वे कर्मचाऱ्यांनी लॉकडाउनच्या काळातही काम सुरु ठेवलं आहे. लोकल सेवा पूर्णपणे बंद असल्याने कामगारांची ने आण करण्यासाठी शटल सेवा सुरु करण्यात आली. मात्र छत्रपती शिवाजी टर्मिनस या स्थानकातूनच ही शटल भरुन येत असल्याची तक्रार हे कर्मचारी करत आहेत. मधल्या स्टेशन्सवर कामगारांना या शटलमध्ये पाय ठेवण्यासही जागा नसते. त्यामुळे विद्याविहार या स्थानकात रेल रोको करण्यात आला. कामगारांच्या संतापाचा उद्रेक झाल्याच यामुळे पाहण्यास मिळालं.

News English Summary: It was time to protest against the railway workers who were working even during the Corona outbreak. A shuttle service has been launched to transport these workers. However, due to huge congestion on the train and lack of space to board, the workers finally blocked the train today.

News English Title: Social distancing violation rail Roko at Mumbai Vidyavihar News Latest Updates.