खाजगी रुग्णालयाकडून सहकार्य मिळत नसल्याने आरोग्य मंत्र्यांकडून रात्री इस्पितळांना भेटी

मुंबई, २ मे: कोरोनाच्या पार्श्वभूमीवर खासगी रुग्णालयातील ८० टक्के खाटा राज्य शासनाने ताब्यात घेतल्या आहेत. मात्र अद्यापही काही ठिकाणी रुग्णांना खासगी रुग्णालयांकडून अपेक्षित ते सहकार्य होत नसल्याच्या तक्रारी येत आहेत. त्याची दखल घेऊन आरोग्यमंत्री राजेश टोपे यांनी काल रात्री मुंबईतील खासगी रुग्णालयांना अचानक भेटी दिल्या. मंगळवारी पहाटे दोन वाजेपर्यंत आरोग्यमंत्री रुग्णालयातील खाटांच्या उपलब्धतेबाबत माहिती घेत होते.

कोरोनाच्या पार्श्वभूमीवर खासगी रुग्णालयातील ८०% खाटा राज्य शासनाने ताब्यात घेतल्या आहेत.मात्र अद्यापही काही ठिकाणी रुग्णांना खासगी रुग्णालयांकडून अपेक्षित ते सहकार्य होत नसल्याच्या तक्रारी येत आहेत.याची दखल घेऊन काल रात्री मुंबईतील खासगी रुग्णालयांना रात्री 2 पर्यंत भेटी दिल्या. pic.twitter.com/fhdQnBJnIk

— Rajesh Tope (@rajeshtope11) June 2, 2020

रुग्णांना दिलेल्या खाटांची अचूक माहीती रुग्णालय प्रशासनाने जाहीर फलकावर द्यावी. राज्य शासनाच्या नियमांचे पालन केलेच पाहिजे, असा इशाराही त्यांनी यावेळी दिला. दरम्यान, या भेटीमध्ये चारही रुग्णालयांमध्ये काही बाबींची अपूर्णता आढळून आल्याने राज्य आरोग्य सेवा हमी सोसायटीचे मुख्य कार्यकारी अधिकारी डॉ. सुधाकर शिंदे यांनी या रुग्णालयांना कारणे दाखवा नोटीस बजावली आहे.

दरम्यान, मुंबईतील श्रीमंतांची रूग्णालये म्हणून ओळख असलेली बॉम्बे हॉस्पिटल, लीलावती, हिंदुजा आणि जसलोक रुग्णालये हे काँग्रेस, राष्ट्रवादी काँग्रेस आणि शिवसेना अशा तीन-तीन पक्षांच्या महाविकास आघाडीलाही जुमानत नाहीत. राज्य सरकारने कोरोना महामारीच्या पार्श्वभूमीवर या बड्या रुग्णालयांना 80% बेड्स नियंत्रित दरात राखून ठेवण्यास सांगितले होते. मात्र या चारही बड्या श्रीमंतांच्या रुग्णालयांनी सरकारच्या आदेशाला केराची टोपली दाखविली आहे. त्यामुळे आता राज्य सरकारने या चारही रुग्णालयांना नोटीस बजावली आहे.

काल रात्री राज्याच्या आरोग्य मंत्री राजेश टोपे यांनी या चारही रुग्णालयांचा फेरफटका मारला. त्यावेळी त्यांना या श्रीमंत रुग्णालयातील अनेक बेड्स रिकामे असल्याचे आढळले. तरीही रुग्णालये सरकारने पाठविलेल्या रुग्णांना त्या हॉस्पिटलमध्ये दाखल करून घेत नाहीत. वास्तविक सरकारने कोरोनाच्या पार्श्वभूमीवर मुंबईतील बड्या रुग्णालयांना 80% बेड्स नियंत्रित दरात राखून ठेवण्यास सांगितले होते. मात्र ज्यावेळी सरकारतर्फे या रुग्णालयांमध्ये रुग्णांना पाठविले जायचे, त्यावेळी त्यांना तेथे दाखल करून घेण्यास स्पष्ट नकार दिला जात होता. म्हणजेच सरकारी आदेशाचा खुल्लम खुल्ला अवमान केला जात होता.

News English Summary: The state government has taken over 80 per cent of the beds in private hospitals in Corona. But there are still complaints in some places that patients are not getting the support they expect from private hospitals. Noticing this, Health Minister Rajesh Tope paid a surprise visit to private hospitals in Mumbai last night.

News English Title: Health Minister Rajesh Tope paid a surprise visit to private hospitals in Mumbai last night News Latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.