यंदा शिवराज्याभिषेक सोहळा साधेपणानेच

रायगड, ६ जून: दरवर्षी रायगडावर शिवराज्याभिषेक सोहळा मोठ्या उत्साहात साजरा केला जातो. मात्र यंदा कोरोनामुळे घरातचं हा सोहाळा साजरा करण्याचं आवाहन खासदार छत्रपती संभाजी भोसले यांनी केलं आहे. त्यामुळे यंदा मोजक्याच लोकांच्या उपस्थितीत शिवराज्याभिषेक सोहळा पार पडणार आहे. तसंच नागरिकांना गतवर्षीचाच सोहळा सकाळी ९ वाजता दाखवणार असल्याचं खासदार संभाजीराजे भोसले यांनी सांगितलं. सोशल मीडियाच्या माध्यमातून त्यांनी ही माहिती दिली आहे.

३४७ व्या शिवराज्याभिषेक दिनाच्या सर्व शिवभक्तांना खुप खुप शुभेच्छा..

दुर्गराज रायगडावर शिवराज्याभिषेक कार्यक्रमांची सुरुवात झाली आहे.६ जून २०२०

छत्रपती शिवाजी महाराज मनामनात,
राज्याभिषेक घराघरात! pic.twitter.com/JtdBkQFsG7

— Sambhaji Chhatrapati (@YuvrajSambhaji) June 6, 2020

तर शिवराज्याभिषेक दिनानिमित्त राज्याचे उपमुख्यमंत्री अजित पवार यांनी छत्रपती शिवाजी महाराज यांना वंदन केलं. त्याचबरोबर राज्यातील जनतेला शुभेच्छा दिल्या. “छत्रपती शिवाजी महाराजांनी महाराष्ट्रात रयतेचं राज्य, हिंदवी स्वराज्य स्थापन केलं. ‘प्रजा सुखी तरंच राजा सुखी’ या न्यायानं राज्यकारभार केला. महान योद्धा, कुशल प्रशासक, लोककल्याणकारी, प्रजाहितदक्ष राजा ही ओळख निर्माण केली.

राजनिती, युद्धनिती, अर्थकारण, मानवतावाद, पर्यावरणसंवर्धन कुशलतेसह, भविष्याचा वेध घेण्याचं द्रष्टेपण असलेले ते राजे होते. त्यांनी गाजवलेलं शौर्य, केलेला पराक्रम, घालून दिलेला राज्यकारभाराचा आदर्श महाराष्ट्राला सदैव प्रेरणा देत, मार्गदर्शन करीत राहील, अशा शब्दात उपमुख्यमंत्री अजित पवार यांनी छत्रपती शिवाजी महाराजांच्या कार्याचं स्मरण केलं.

काय म्हणाले खासदार संभाजी भोसले
तोच जोश, तोच उत्साह, तोच क्षण पुन्हा अनुभवायचा आहे, पण आपल्या गडातून म्हणजे आपल्याच घरातून. शिवराज्याभिषेक सोहळ्याची दरवर्षीची रायगडावरील लगबग तुम्ही सर्वजण सकाळी पाहण्यासाठी आतुर असाल म्हणूनच सकाळी ९ वाजता गतवर्षीचा शिवराज्याभिषेक सोहळा दाखवला जाणार आहे.

मी समजू शकतो मी केलेल्या आवाहनाला तुम्ही सर्वांनी प्रतिसाद दिला आहे. सध्या दोन दिवस कोकणात चक्री वादळाने थैमान घातले असून रायगड जिल्ह्यातील वीज पुरवठा खंडित झालेला आहे. मोबाईल टॉवर सुद्धा पडले आहेत. परिसरात रेंज कमी प्रमाणात असल्याने तुम्हाला सोहळा दाखवण्यासाठी आम्ही जास्तीत जास्त प्रयत्न करत आहोत. पण माझा शब्द आहे ६ जून २०२० शिवराज्याभिषेक सोहळा तुम्ही घरातुन नक्की पहाल, असं आवाहन संभाजीराजेंनी केलं आहे.

News English Summary: Shivrajyabhishek ceremony is celebrated with great enthusiasm every year at Raigad. However, MP Chhatrapati Sambhaji Bhosale has appealed to celebrate this festival at home due to Corona this year. Therefore, Shivrajyabhishek ceremony will be held in the presence of few people this year. MP Sambhaji Raje Bhosale also said that last year’s ceremony will be shown to the citizens at 9 am.

News English Title: Occasion of shivrajyabhishek ceremony at Raigad News Latest Updates.