राज्यातील कोरोनाबाधितांची संख्या ९४ हजार ४१ वर

मुंबई, ११ जून : महाराष्ट्रातील कोरोनाबाधितांची संख्या दिवसागणिक वाढतेय. काल एका दिवसात तब्बल 3 हजार 254 नवीन रुग्णांनी नोंद झाल्याने राज्यातील एकूण कोरोनाबाधितांची संख्या 94 हजार 41 वर पोहोचली आहे. यापैकी 44 हजार 517 रुग्ण आतापर्यंत कोरोनामुक्त झाले असून 46 हजार 74 रुग्णांवर उपचार सुरु आहेत. तसेच काल 149 जणांचा कोरोनामुळे मृत्यू झाल्याने राज्यातील कोरोनाबळींची संख्या 3 हजार 438 वर पोहोचली आहे.

देशाची आर्थिक राजधानी असलेल्या मुंबईत कोरोनाचे सर्वाधिक रुग्ण आहेत. मुंबईत काल दिवसभरात 1 हजार 567 नवीन रुग्ण आढळून आले असून 97 जणांचा कोरोनाने मृत्यू झाला आहे. त्यामुळे मुंबईतील कोरोनाबाधित रुग्णांची संख्या 52 हजार 667 वर पोहोचली आहे. तर आतापर्यंत 1 हजार 857 जणांचा कोरोनामुळे मृत्यू झाला आहे.

राज्यात आज 3254 कोरोना बाधीत रुग्णांची वाढ झाली व एकूण संख्या आता 94041अशी झाली आहे. आज नवीन 1879 कोरोना बाधित रुग्ण बरे झाले आहेत. एकूण 44517 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 46074 ऍक्टिव्ह रुग्ण आहेत.#CoronaVirusUpdates #MeechMazaRakshak

— Rajesh Tope (@rajeshtope11) June 10, 2020

दरम्यान, मुंबई, अहमदाबाद, चेन्नई, कोलकाता, दिल्ली आणि बेंगळूरु या सहा शहरांमध्ये केंद्रीय पथके तैनात करण्यात आली आहेत. आठवडाभर ही पथके संबंधित शहरांमधील आरोग्याच्या सुविधांचा आढावा घेऊन दररोज राज्याच्या आरोग्य मंत्रालयाला तसेच केंद्र सरकारला अहवाल सादर करतील. या भेटीनंतर संपूर्ण अहवाल केंद्राला सादर केला जाईल. १५ राज्यांमध्ये ५० केंद्रीय पथके पाठवण्यात येणार असून, महाराष्ट्रात मुंबई, पुणे, ठाणे, औरंगाबाद, कोल्हापूर, पालघर आणि सोलापूर या शहरांना केंद्रीय पथके भेट देणार आहेत.

दरम्यान, मुंबई, अहमदाबाद, चेन्नई, कोलकाता, दिल्ली आणि बेंगळूरु या सहा शहरांमध्ये केंद्रीय पथके तैनात करण्यात आली आहेत. आठवडाभर ही पथके संबंधित शहरांमधील आरोग्याच्या सुविधांचा आढावा घेऊन दररोज राज्याच्या आरोग्य मंत्रालयाला तसेच केंद्र सरकारला अहवाल सादर करतील. या भेटीनंतर संपूर्ण अहवाल केंद्राला सादर केला जाईल. १५ राज्यांमध्ये ५० केंद्रीय पथके पाठवण्यात येणार असून, महाराष्ट्रात मुंबई, पुणे, ठाणे, औरंगाबाद, कोल्हापूर, पालघर आणि सोलापूर या शहरांना केंद्रीय पथके भेट देणार आहेत.

News English Summary: The number of corona positive patients in Maharashtra has increased to 94041. In the last 24 hours, 3438 new cases have been reported in Maharashtra. There have been 149 deaths in the last 24 hours at Corona in Maharashtra.

News English Title: The number of corona positive patients in Maharashtra has increased to 94041 News Latest Updates.