महाविकास आघाडीत मतभेद; काँग्रेसचे नेते दोन दिवसांत उद्धव ठाकरेंना भेटणार

मुंबई, १४ जून: निसर्ग चक्रीवादळामुळे झालेल्या नुकसानीची पाहणी करण्यासाठी राज्याचे महसूलमंत्री बाळासाहेब थोरात हे आज शनिवारी एक दिवसाच्या कोकण दौऱ्यावर जात आहेत. सकाळी ८.३० वाजता महसूलमंत्री हे शासकीय निवासस्थान रॉयलस्टोन येथून मोटारीने निघून ९.०० वाजता भाऊचा धक्का येथे पोहोचतील त्यानंतर रोरो बोटीने मांडवा जेट्टी येथे जातील तेथून मोटारीने अलिबाग तालुक्यातील नागांव व चौल गावाला भेट देऊन झालेल्या नुकसानीची पाहणी करतील त्यानंतर काशीद व नंतर मुरुड येथे भेट देऊन नुकसानग्रस्त भागाची पाहणी करतील.

दरम्यान, याआधी मुख्यमंत्री उद्धव ठाकरे यांनी कोकण दौरा केला होता. त्यानंतर शरद पवार यांनी दोन दिवस कोकणचा दौरा केला. पवारानंतर विरोधी पक्षनेते देवेंद्र फडणवीस यांनीही दौरा करत राज्य सरकावर टीका केली. राज्याची प्रत्यक्षात मदत वादळग्रस्तांपर्यंत पोहोचली नसल्याचा आरोप केला आहे. आता काँग्रेसचे मंत्री थोरात कोकण दौऱ्यावर जात आहेत.

विधान परिषदेच्या ९ जागांवरून काँग्रेस नाराज झाला होता. तिसरा उमेदवार देण्यासाठी काँग्रेसचे नेते आग्रही होते. ९ जागांसाठी ही निवड़णूक होणार होती. मात्र, उद्धव ठाकरे मुख्यमंत्री पदावर कायम राहण्यासाठी ही निवडणूक महत्वाची होती. यामुळे काँग्रेसची मनधरणी करण्यात आल्याने त्यांच्या उमेदवाराने माघार घेतली होती. यामुळे निवडणूक बिनविरोध झाली होती. आता पुन्हा राज्यपाल नियुक्त विधान परिषदेच्या जागावरून काँग्रेसमध्ये नाराजी पसरली आहे.

विधान परिषदेच्या १२ जागांचे आणि महामंडळांच्या नियुक्त्या समान करण्याची मागणी काँग्रेसने केली आहे. यासाठी गेल्या गुरुवारी काँग्रेसच्या नेत्यांची बैठक झाली होती. आज काँग्रेसचे माजी मुख्यमंत्री राज्याचे कॅबिनेट मंत्री अशोक चव्हान यानी महाविकास आघाडीमध्ये काही मुद्द्यांवरून मतभेद असल्याचे मान्य केले आहे. ”महाविकास आघाडीमध्ये काही मतभेद असून आम्ही मुख्यमंत्री उद्धव ठाकरेंची भेट घेण्यासाठी प्रयत्नशील आहोत. त्यांच्याशी यावर चर्चा करण्यात येणार आहे. पुढील दोन दिवसांत त्यांची भेट होण्याची शक्यता आहे, असे अशोक चव्हान यांनी सांगितले.

There are some issues (between the Mahavikas Aghadi (MVA) allies and bureaucracy). We are trying to meet the CM to discuss all our issues with him in detail. We expect a meeting with him in the next 2 days: Maharashtra Minister and Congress leader Ashok Chavan
(file pic) pic.twitter.com/xPHUPFBPY9

— ANI (@ANI) June 14, 2020

News English Summary: The Congress has demanded equalization of 12 seats in the Legislative Council and appointments to corporations. For this, a meeting of Congress leaders was held last Thursday. Today, former Congress chief minister and state cabinet minister Ashok Chavan has admitted that there are differences in the Mahavikas Aghadi on some issues.

News English Title: Former Congress chief minister and state cabinet minister Ashok Chavan has admitted that there are differences in the Mahavikas Aghadi on some issues News Latest Updates.