दिल्ली: कोरोनाबळींची संख्या वाढल्याने स्मशानभूमीसाठी अतिरिक्त जागेचा शोध सुरु

नवी दिल्ली, १७ जून: देशात कोरोनाबाधितांचा आणि मृतांचा आकडा दिवसेंदिवस वाढताना दिसत आहे. आज सलग चौथ्या दिवशी नवीन रुग्णांचा आकडा हा १० हजारांच्या घरात आहे. गेल्या २४ तासांत १० हजार ९७४ नवीन रुग्णांची नोंद झाली. तर २००३ रुग्णांचा मृत्यू झाला. यासह आता एकूण कोरोनाबाधितांचा आकडा 1 लाख ८६ हजार ९३५ झाला आहे. तर एकूण मृतांचा आकडा ११ हजार ९०३ झाला आहे. यासह भारताचा मृत्यूदर २.९% वरून ३.४ झाला आहे.

दुसरीकडे राजधानी दिल्लीत कोरोनाच्या मृतांची संख्या वाढत असल्यामुळे त्यांच्या अंत्यसंस्काराचा प्रश्न निर्माण होण्याची शक्यता लक्षात घेऊन दिल्ली सरकारने सर्व जिल्ह्यांच्या जिल्हाधिकाऱ्यांना स्मशानभूमी आणि दफनभूमीसाठी अतिरिक्त जागा शोधून ठेवण्याचे आदेश दिले आहेत.

मृतदेहांवर वेळेत अंत्यसंस्कार करण्याचे आदेश काही दिवसांपूर्वीच दिल्ली उच्च न्यायालयाने सरकारला दिले होते. त्यानंतर स्मशानभूमीसाठी आणि कब्रस्थानासाठी जागा कमी पडत असल्याने ती शोधण्याचा आदेश दिल्ली सरकारने चार जिल्ह्यांच्या जिल्हाधिकाऱ्यांना दिले आहेत. त्यानुसार दिल्लीच्या अनेक भागांमध्ये पर्यायी जागांचा शोध जिल्हाधिकाऱ्यांनी सुरू केला आहे. यात काही ठिकाणी सापडलेल्या जागा जिल्हाधिकाऱ्यांनी सरकारला सुचवल्या आहेत. विशेष म्हणजे गेल्या सात दिवसात भारतातील कोरोनाग्रस्तांच्या संख्येत २९.५ टक्के वाढ झाली आहे.

News English Summary: The Delhi government has directed the district collectors of all the districts to look for additional places for cemeteries and crematoriums as the death toll in the corona is likely to rise in the capital.

News English Title: Delhi government has directed the district collectors of all the districts to look for additional places for corona is likely to rise in the capital News Latest Updates.