दिल्ली: आरोग्यमंत्र्यांना कोरोनाची लागण, अमित शहांसोबतच्या बैठकीला हजेरी लावली होती

नवी दिल्ली, १७ जून : दिल्लीचे आरोग्यमंत्री सत्येंद्र जैन यांना करोनाची लागण झाली आहे. सत्येंद्र जैन यांचा पहिला रिपोर्ट निगेटिव्ह आला होता. पण यानंतर त्यांचा ताप वाढला होता. सत्येंद्र जैन यांच्यात करोनाची लक्षणं दिसल्याने डॉक्टरांनी पुन्हा एकदा त्यांची करोना चाचणी करण्याचा निर्णय घेतला होता. पुन्हा चाचणी केली असता दुसरा रिपोर्ट पॉझिटिव्ह आला आहे.

Delhi Heath Minister Satyendar Jain tests positive for COVID-19: Official

— Press Trust of India (@PTI_News) June 17, 2020

दरम्यान, दिल्लीत वाढत असलेल्या कोरोनाच्या संसर्गा्च्या पार्श्वभूमीवर सत्येंद्र जैन हे आघाडीवर राहून परिस्थितीवर लक्ष ठेवून होते. कोरोनाच्या पार्श्वभूमीवर ते सतत बैठकांना उपस्थित राहत होते. गेल्या काही दिवसांपूर्वी केंद्रीय गृहमंत्री अमित शहा यांनी दिल्लीचे मुख्यमंत्री अरविंद केजरीवाल आणि इतर अधिकाऱ्यांसोबत अनेक बैठका घेतल्या. त्या बैठकीलासुद्धा सत्येंद्र जैन आरोग्यमंत्री म्हणून उपस्थित होते.

महत्त्वाची बाब म्हणजे सत्येंद्र जैन यांनी रविवारी केंद्रीय गृहमंत्री अमित शाह, आरोग्यमंत्री हर्षवर्धन, मुख्यमंत्री अरविंद केजरीवाल, उपमुख्यमंत्री मनिष सिसोदिया उपस्थित असणाऱ्या बैठकीला हजेरी लावली होती. दिल्लीमधील स्थितीचा आढावा घेण्यासाठी ही बैठक आयोजित होती.

News English Summary: Delhi Health Minister Satyendra Jain has contracted coronavirus. Satyendra Jain’s first report was negative. But after that, his fever had increased. Satyendra Jain had symptoms of corona and the doctors decided to test his corona once again.

News English Title: Delhi Heath Minister Satyendar Jain Tests Positive For Covid 19 News Latest Updates.