भारताने पाकिस्तानचे हेरगिरी करणारे ड्रोन कठुआ येथे पाडले

जम्मू, २० जून : जम्मू-काश्मीरच्या कठुआ जिल्ह्यातील हिरानगर सेक्टरमध्ये भारतीय सैन्याने पाकिस्तानी गुप्तहेर ड्रोन पडले. पाकिस्तानकडून पुन्हा एकदा खुरापती काढण्यासाठी या ड्रोनचा वापर करण्यात येत होता. जम्मू-काश्मीरच्या सीमेवर हे ड्रोन गोळाबार करुन पाडण्यात यश आले आहे. रथुआ गावात फॉरवर्ड पोस्टमध्ये ड्रोन पाडण्यात यश आले.

१९ बटालियनच्या बीएसएफची एक टीम गस्त घालीत होती. यावेळी हिरानगर सेक्टरमधील रथुआ भागात पाकिस्तानी ड्रोन घिरट्या घालत असल्याचे दिसून आले. यावेळी बीएशएफच्या जवानांनी गोळीबार करत हे ड्रोन खाली पाडले.

Pakistani drone shot down by Border Security Force along International Border in Kathua district of Jammu and Kashmir: Officials.

— Press Trust of India (@PTI_News) June 20, 2020

कठुआ पोलीस नियंत्रण कक्षाच्या एका पोलीस अधिकाऱ्याने याबाबत माहिती देताना सांगितले की, पाकिस्तानी ड्रोन हिरानगर सेक्टरमधील रथुआ परिसरात भारतीय हद्दीत पहाटे उडत असल्याचे आढळले होते. यानंतर बीएसएफच्या जवानांनी त्याला हाणून पाडले. यासंदर्भात बीएसएफकडून देखील माहिती दिल्या जाण्याची शक्यता आहे.

पाकिस्तानी रेंजर्स आणि सैन्याकडून अशा घुसखोरी व टेहाळणी करणाऱ्या ड्रोनचा वापर, भारतीय जवानांच्या हालचालीवंर लक्ष ठेवण्यासाठी व माहिती मिळवण्यासाठी केला जात असून, याचाच वापर दहशतवाद्यांना माहिती पुरवण्यासाठी देखील केला जात आहे. हिरानगर सेक्टर नेहमीच दहशतवाद्यांच्या घुसखोरीचा परिसर ठरलेला आहे.

News English Summary: Border Security Force (BSF) personnel shot down a Pakistani drone at 5:10 a.m. today on the international border in Kathua district of Jammu and Kashmir. A BSF team spotted the drone flying in the Rathua area of Hiranagar sector in Kathua.

News English Title: Jammu Kashmir Weapons Recovered From The Pakistani Drone Shot Down By BSF News Latest Updates.