पंतप्रधान नरेंद्र मोदी यांनी चीनला निर्दोष ठरवले आहे का ? - पी चिदंबरम

नवी दिल्ली, २१ जून : पूर्व लडाखमधील गलवान खोऱ्याचे चित्र अद्याप स्पष्ट नाही. मात्र, एक गोष्ट निश्चित, की चिनी सैनिकांनी पेंगाँग त्सो जवळ 8 किलोमीटर भागावर कब्जा केला आहे. मेच्या सुरुवातीला येथे पाऊल ठेवलेल्या चीनने डिफेन्स स्‍ट्रक्‍चर्स आणि बंकर्सदेखील तयार केले आहेत. सरोवराच्या उत्तरेकडील काठावर फिंगर 4 ते 8 दरम्यानच्या ऊंच भागांवर पिपल्‍स लिब्रेशन आर्मीच्या (PLA) सैनिकांनी कब्बजा केला आहे. गलवान घाटी आणि हॉट स्प्रिंग्‍ससंदर्भात भारत चीन दरम्यान बोलने होत असतानाच, चीनने येथे आपल्या हालचाली वाढवल्याचे समजते.

आधिकृत सूत्रांच्या हवाल्याने नवभारत टाइम्सने म्हटले आहे, की गलवान खोऱ्यात पेट्रोल पॉइंट 14 जवळील भागांत भारतीय लष्कर धैर्याने उभे आहे. येथेच 15-16 जूनच्या रात्री दोन्ही देशांदरम्यान हिंसक झटापट झाली होती. या घटनेनंतर लष्कराने म्हटले होते, की दोन्ही देशांचे सैन्य तेथून मागे हटले आहेत. “गलवानमध्ये दोन्ही देशांचे सैन्य आपापल्या प्रत्यक्ष नियंत्रण रेषेच्या (LAC) आत आहे. मात्र, दोन्हीकडेही लष्कराची व्यवस्था करण्यात आली आहे. तसेच लष्कर पूर्णपणे मागे हटलेले नाही.”

दरम्यान, गलवान खोऱ्यातील भारत-चीन संघर्षांच्या पार्श्वभूमीवर घेतलेल्या सर्वपक्षीय बैठकीनंतरही काँग्रेसने केंद्र सरकारवर प्रश्नांची सरबत्ती केली आहे. भारताच्या हद्दीत कोणीही घुसखोरी केली नाही, असे घोषित करून पंतप्रधान नरेंद्र मोदी यांनी चीनला निर्दोष ठरवले आहे का, असा सवाल काँग्रेसचे ज्येष्ठ नेते आणि माजी अर्थमंत्री पी. चिदंबरम यांनी शनिवारी पत्रकार परिषदेत केला.

Has PM given a clean chit to China? If so, what is there to negotiate with China? Why are the Major Generals negotiating and about what?

— P. Chidambaram (@PChidambaram_IN) June 20, 2020

पंतप्रधान कार्यालयाने शनिवारी प्रसिद्ध केलेल्या निवेदनावरही काँग्रेसने सवाल केले आहेत. गलवान खोरे चीनचेच असल्याचा दावा चीनने केला असला तरी त्याचा उल्लेख पंतप्रधान कार्यालयाच्या निवेदनात का नाही? गलवान खोरे भारताच्या हद्दीत आहे की नाही? गलवान खोऱ्यात चिनी सैनिक असतील, तर ती घुसखोरी नव्हे का? पँगगाँग त्सो भूभागातील घुसखोरीबद्दल केंद्र सरकार गप्प का? १५ जून रोजी चिनी सैनिकांचे मनसुबे उधळून लावले गेले, असे पंतप्रधान म्हणाले. याचा अर्थ घुसखोरी झाली असा होत नाही का? ५ मे ते १५ जून या काळात झालेल्या घुसखोरीबद्दल केंद्र सरकारचे काय म्हणणे आहे? मागे हटण्याची प्रक्रिया, जैसे थे परिस्थिती असे शब्दप्रयोग का केले गेले? अशा अनेक मुद्दय़ांवर पंतप्रधान कार्यालयाच्या निवेदनात कोणताही उल्लेख नाही, असा आक्षेप काँग्रेसचे प्रवक्ता रणदीप सुरजेवाला यांनी घेतला आहे.

News English Summary: Even after the all-party meeting on the backdrop of the Indo-China conflict in the Galvan Valley, the Congress has raised questions with the Center. Has Prime Minister Narendra Modi acquitted China by declaring that no one has infiltrated India’s borders, a senior Congress leader and former finance minister has said. Chidambaram said this at a press conference on Saturday.

News English Title: Has Modi Acquitted China Congress Questions Even After The All Party Meeting News Latest Updates.