महाराष्ट्रात चीन, दक्षिण आफ्रिका, कॅनडा व बांग्लादेशपेक्षाही जास्त कोरोनाबाधित

मुंबई, २३ जून: देशात गेल्या २४ तासांत करोनाचे १४ हजार ९३३ रुग्ण आढळले. त्यामुळे देशभरातील करोना रुग्णांची एकूण संख्या ४ लाख ४० हजार २१५ वर पोहोचली.गेल्या २४ तासांत ३१२ करोनाबळींची नोंद झाली. त्यामुळे मृतांची एकूण संख्या १४ हजार ११ झाली आहे. आत्तापर्यंत २ लाख ४८ हजार १९० रुग्ण बरे झाले. करोना रुग्ण बरे होण्याचे प्रमाण ५५.७७ टक्क्यांवर पोहोचले आहे. देशभरात १ लाख ७८ हजार ११४ रुग्णांवर उपचार सुरू आहेत.

मुंबई, दिल्लीसह करोनाचा प्रादुर्भाव अधिक असलेल्या शहरांमध्ये नमुना चाचण्यांचे प्रमाणही वाढवण्यात आले आहे. ७२३ सरकारी आणि २६२ खासगी वैद्यकीय प्रयोगशाळांमध्ये चाचण्या केल्या जात असून गेल्या २४ तासांमध्ये दीड लाख चाचण्या घेण्यात आल्या.

धक्कादायक गोष्ट म्हणजे कोरोनाबाधितांच्या संख्येत सर्व देशांच्या यादीत महाराष्ट्रानेही जागा मिळवली आहे. महाराष्ट्रात १ लाख ३५ हजार ७९६ कोरोनाबाधितांची नोंद झाली आहे. आत्ताच्या घडीला महाराष्ट्रात चीन, दक्षिण आफ्रिका, कॅनडा आणि बांग्लादेशपेक्षाही जास्त कोरोनाबाधित आहेत. त्यामुळे महाराष्ट्रासाठी ही चिंताजनक बाब आहे.

कोरोना बळींच्या संख्येच्या बाबतीतही तिच स्थिती आहे. अनेक देशांपेक्षा जास्त बळी महाराष्ट्रात गेले आहेत. महाराष्ट्रात ६ हजार २८३बळी कोरोनाने घेतले आहेत. देशात गेल्या २४ तासात कोरोनाबाधितांच्या संख्येत १४ हजार ९३३ ने वाढ झाली आहे. दुसरीकडे अमेरिका, स्पेन, रशिया, ब्राझिल, यूके, इटली, भारत, पेरु, इटली,इराण हे दहा देश असे आहेत ज्या देशांमध्ये कोरोना बाधितांचा आकडा हा दोन लाखांच्या वर गेला आहे. तर अमेरिकेत एक लाखाहून अधिक बळी गेले आहेत. यूके, ब्राझील या देशांमध्ये ४० हजारांहून अधिक लोकांचा मृत्यू कोरानामुळे झाला आहे.

News English Summary: The shocking thing is that Maharashtra has also got a place in the list of all the countries affected by corona. In Maharashtra, 1 lakh 35 thousand 796 cases of corona have been registered. At present, Maharashtra has more corona-affected areas than China, South Africa, Canada and Bangladesh.

News English Title: Shocking thing is that Maharashtra has also got a place in the list of all the countries affected by corona News latest Updates.