चीनच्या हालचाली पाहून अमेरिका भारताच्या मदतीला सैन्य पाठविणार

वॉशिंग्टन, २६ जून : आशियातील चीनची वाढती दादागिरी रोखण्यासाठी अमेरिकेने कठोर भूमिका घेतली आहे. अमेरिकेने युरोपमधून आपले सैन्य कमी करुन आशियामध्ये तैनात करण्याचा निर्णय घेतला आहे. त्याची सुरुवात जर्मनीपासून होणार आहे. अमेरिका जर्मनीमध्ये तैनात असलेल्या ५२ हजार अमेरिकन सैनिकांपैकी ९,५०० सैनिक आशियामध्ये तैनात करणार आहे. पूर्वे लडाखमधील प्रत्यक्ष नियंत्रण रेषेवर (एलएसी) चीनने भारतामध्ये तणावपूर्ण परिस्थिती निर्माण केल्याने अमेरिका हे पाऊल उचलत आहे. दुसरीकडे व्हिएतनाम, इंडोनेशिया, मलेशिया, फिलीपीन्सला चीनकडून धोका आहे.

त्याच वेळी जर्मनीमध्ये तैनात असलेले अमेरिकेचे सैन्य कमी करून ते भारत आणि अन्य आशियाई देशांच्या मदतीला पाठविण्याच्या अध्यक्ष डोनाल्ड ट्रम्प यांच्या निर्णयावर अनेक जाणकारांनी आक्षेप घेतला आहे. यामुळे युरोपीय संघाला असलेला रशियाचा धोका वाढेल, असेही अनेक जाणकारांचे मत आहे. मात्र चीनने आशिया खंडामध्ये निर्माण केलेला धोका लक्षात घेता जर्मनीतील सैन्य भारतीय उपखंडाकडे हलविण्याचा निर्णय पूर्ण विचारांती घेतला असल्याचे अमेरिकेचे परराष्ट्रमंत्री माईक पोम्पिओ यांनी स्पष्ट केले आहे.

चीनचा भारताला असलेला धोका दूर करणे हे अमेरिकेचे प्राधान्याने काम असल्याचे माईक पॉम्पिओ यांनी सांगितले आहे. चीनमधील सत्ताधारी कम्युनिस्ट पार्टीच्या सध्याच्या कारवाया आणि भारत-चीन सीमेवर सुरू असलेली सैन्याची आणि शस्त्रास्त्रांची जमवाजमव पाहता भारताला चीन पासून धोका आहे. फक्त भारतच नाही तर व्हियतनाम, इंडोनेशिया, मलेशिया, फिलिपाइन्स या देशांनाही चीनपासून धोका आहे. हे लक्षात घेऊनच अमेरिकेचे सैन्य आशियामध्ये हलविण्यात येत आहे, असे माइक पॉम्पिेओ यांनी स्पष्ट केले.

News English Summary: The United States has taken a tough stance to curb China’s growing bigotry in Asia. The United States has decided to reduce its military presence in Europe and deploy in Asia. It will start in Germany.

News English Title: United States has decided to reduce its military presence in Europe and deploy in Asia News latest Updates.