लस कोरोनापासून संरक्षण करेल, संसर्गही रोखेल पण...पुढे काय म्हणाले बिल गेट्स

वॉशिंग्टन, २६ जून : कोरोनाची रुग्ण संख्या वाढत असतानाच त्यावर लस शोधण्याचे प्रयत्न सर्वच देशात सुरू आहे. मात्र लसीचा शोध लागण्यानंतरही आपल्याला कोरोनाची बाधा होणारच नाही, अशी खात्री देता येणार नाही, अशी भिती मायक्रोसॉफ्टचे संस्थापक बिल गेट्स यांनी म्हटलं आहे. अमेरिकेतील सीएनएन या वृत्तवाहिनीला दिलेल्या मुलाखतीत ते बोलत होते.

या मुलाखतीत बिल गेट्स म्हणाले की, या वर्षाखेर अथवा नवीन वर्षाच्या सुरुवातीला करोनाची लस शोधली जाईल. ही लस कोरोनापासून मानवाचं संरक्षण करेल आणि संसर्गही रोखता येणार आहे. मात्र या लसमुळे कोरोनाची बाधा होणारच नाही, अशी खात्री देता येणार नाही. तसेच, सध्या कोरोना प्रतिबंधक लसीची आवश्यकता आहे. अशावेळी वेगवेगळ्या वयोगटातील व्यक्ती, गरोदर महिलांवर चाचणी करण्यासाठी वेळ नाही. अशा परिस्थितीत योग्य, अचूक माहिती संकलित करणे हे कठीण काम आहे.

Bill Gates predicts coronavirus will “be back in big numbers” in October and November “if we don’t restrain our behavior more than it looks like we are right at the moment.” #CNNTownHall https://t.co/GMAoOhJ5TO pic.twitter.com/CQqWtsi4pU

— CNN International (@cnni) June 26, 2020

दरम्यान, कोरोनावर अनेक देश लस आणि औषध बनविण्याचा प्रयत्न करत आहेत. मात्र, इंग्लंडमधील ऑक्सफर्ड युनिव्हर्सिटी संशोधन करत असलेली कोरोनावरील लस अंतिम टप्प्यात आहे. ही लस यशस्वी व्हावी म्हणून युरोपसह अनेक देश प्रयत्न करत आहेत. ही लस मिळवण्यासाठी आतापासूनच युरोपातील अनेक देशांनी ऑक्सफर्ड युनिव्हर्सिटीबाहेर रांगा लावल्या आहेत. तर काही देशांनी लसीसाठी नोंदणी देखील केली आहे.

ऑक्सफर्ड युनिव्हर्सिटीच्या AZD- 1222 या लसीची ज्या लोकांवर चाचणी घेतली. त्याचे रुग्णांवर सकारात्मक परिणाम दिसून आले आहेत. गेल्याच आठवड्यात इटली, जर्मनी फ्रांस आणि नेदरलँडने ऑक्सफर्ड युनिव्हर्सिटी कडे ४० कोटी डोसची नोंदणी केली आहे. सरकारी मान्यतेनंतर लवकरच खूप कमी वेळेत अस्ट्रेझेंका या कंपनीमार्फत लसीचे लाखो डोस तयार केले जात आहेत. याबाबत अमेरिका आणि ब्रिटनने आधीच या कंपनीसोबत करार केला आहे. हेल्थ मॅनेजमेंट ओआरजी’ने याबाबत सविस्तर माहिती दिली आहे.

इटलीच्या आरोग्यमंत्र्यांनीही ऑक्सफर्डची लस सर्वात आधी येईल असा विश्वास व्यक्त केला आहे. विशेष म्हणजे ब्रिटन, स्वित्झर्लंड नॉर्वे सोबत भारतात देखील ही लस तयार केली जात आहे. सध्या जगभरात १० लॅबमध्ये लस बसनविण्याचे काम सुरू आहे. यात ऑक्सफर्डने तयार केलेली लस अंतिम टप्प्यात आहे. तरीही ही लस संपूर्ण जगभरात पोहचण्यासाठी किमान सहा महिने वाट पहावी लागेल असे जागतिक आरोग्य संघटनेने म्हटले आहे.

News English Summary: Attempts to find a vaccine against corona are on the rise across the country. But even after the invention of the vaccine, you can’t be sure that the corona will not be infected, said Bill Gates, the founder of Microsoft.

News English Title: International Coronavirus there is no guaranty for covid 19 vaccine prevent coronavirus infection said Bill Gates News latest Updates.