मुंबईच्या साखळी बॉम्बस्फोटातील आरोपी युसूफ मेमनचा मृत्यू

नाशिक, २६ जून : १९९३ साली मुंबईत झालेल्या साखळी बॉम्बस्फोट प्रकरणी जन्मठेपेची शिक्षा भोगत असलेल्या युसूफ मेमनचे नाशिकच्या सेंट्रल जेलमध्ये निधन झाले आहे. त्याच्या मृत्यूचे कारण अद्यापही समजू शकलेले नसून शवविच्छेदनासाठी मृतदेह धुळ्यात पाठवण्यात आला आहे. हृदयविकाराच्या झटक्याने मृत्यू झाल्याचा प्राथमिक अंदाज लावण्यात येत आहे. युसूफ मेमन हा अंडरवर्ल्ड डॉन टायगर मेमन याचा भाऊ होता.

मुंबईच्या बॉम्बस्फोट प्रकरणातील आरोपी युसुफ मेमन (54) याला शुक्रवारी सकाळी दहा वाजण्याच्या सुमारास नाशिक रोड मध्यवर्ती कारागृह त्रास होऊ लागल्याने त्यात जिल्हा रुग्णालयात उपचाराकरता दाखल करण्यात आले. मात्र, हृदयविकाराच्या झटक्याने मेमन याचे निधन झाले. औरंगाबाद कारागृहातून 2018 मध्ये नाशिक रोड मध्यवर्ती कारागृह रवानगी करण्यात आली होती. औरंगाबाद कारागृहाच्या पूर्वी मेमन १९९३ पासून मुंबईच्या आर्थर रोड कारागृहात शिक्षा भोगत होता. १९९३ साली मुंबईत झालेल्या बॉम्बस्फोटातील मुख्य आरोपींपैकी एक असलेल्या युसुफ अब्दुल रज्जाक मेमनचा शुक्रवारी (दि.२६) दुपारी जिल्हा शासकिय रूग्णालयात उपचारादरम्यान मृत्यू झाला. २०१८ सालापासून मेमन नाशिक रोड येथील मध्यवर्ती कारागृहात आजीवन कारावासाची शिक्षा भोगत होता. युसुफच्या मृतदेहाचे शवविच्छेदन धुळे येथील शासकिय महाविद्यालयात केले जाणार असल्याची माहिती सुत्रांनी दिली आहे.

टायगर मेमनचा भाऊ युसूफ मेमन हा १९९३ साली झालेल्या साखळी बॉम्ब स्फोटात आरोपी होता. त्याने या बॉम्ब स्फोटची योजना आखण्यासाठी आपला फ्लॅट आरोपींना दिला होता. 1992-93 मध्ये झालेल्या साखळी बॉम्बस्फोट प्रकरणाने संपूर्ण देश हादरला होता. या बॉम्बस्फोटात सुमारे 800 जणांना मृत्यू झाला होता. तर काही हजार नागरिक जखमी झाले होते. या भयावह बॉम्बस्फोटाचा सूत्रधार हा टायगर मेमन होता. मेमन हा माहीम येथे राहत होता. त्याच्या घरात शक्तीशाली बॉम्ब बनवण्यात आले होते. यामुळे या खटल्यात टायगर मेमन याचं अख्ख कुटुंब आरोपी होते. टायगर मेमन, युसूफ मेमन, रुबिना मेमन, याकूब मेमन, इसा मेमन हे आरोपी आहेत. तर, यापैकी टायगर मेमन अजूनही फरार आहे. तर याकूबला फाशी देण्यात आली आहे. इसा, रुबिना, युसूफ हे जन्मठेपेची शिक्षा भोगत आहेत. यापैकी युसूफचा आज नाशिक जेलमध्ये हृदय विकाराने मृत्यू झाला आहे.

News English Summary: Yusuf Memon, who was serving a life sentence in the 1993 Mumbai serial blasts case, has died in Nashik Central Jail. The cause of his death is still unknown and his body has been sent to Dhule for autopsy.

News English Title: Yusuf Memon who was serving a life sentence in the 1993 Mumbai serial blasts case has died in Nashik Central Jail News Latest Updates.