‘मन की बात’वरून राहुल गांधींचा मोदींना सवाल

नवी दिल्ली, २८ जून : काँग्रेसचे माजी अध्यक्ष राहुल गांधी यांनी काही दिवसांपूर्वी चीनच्या मुद्द्यावर पंतप्रधान नरेंद्र मोदी यांच्याकडे काही सवाल उपस्थित केले होते. त्यांच्याकडे काही प्रश्नांची उत्तरे मागितली होती. त्यानंतर आज पुन्हा राहुल गांधी यांनी पंतप्रधान नरेंद्र यांच्या ‘मन की बात’ कार्यक्रमावर निशाणा साधला आहे. राष्ट्ररक्षण आणि सुरक्षेची ‘बात’ कधी होणार, असे राहुल गांधी यांनी ट्विट करत विचारले आहे. पंतप्रधान नरेंद्र मोदी यांनी आज रविवारी आपल्या ‘मन की बात’ या रेडिओवरील कार्यक्रमात देशातील जनतेला संबोधित केले. त्यावर राहुल गांधीने मोदींना ट्विट करत टिप्पणी केली आहे.

कब होगी राष्ट्र रक्षा और सुरक्षा की बात?

— Rahul Gandhi (@RahulGandhi) June 28, 2020

गेल्या काही दिवसांपासून राहुल गांधी सीमेवरील तणावरुन मोदी सरकारला घेरत आहेत. भाजप आणि काँग्रेसमध्ये यावरून आरोप-प्रत्यारोपाच्या फैरी झडत आहेत. त्याच पार्श्वभूमीवर लडाखच्या गलवान खोऱ्यात नक्की काय घडलं याचं सत्य मोदी सरकारने जनतेसमोर आणावं असं राहुल गांधी म्हणाले होते. तसेच, देशातील वाढत्या इंधन दरवाढीविरोधात केंद्र सरकारला घेरले आहे. मोदी सरकारने कोरोनाची साथ आणि पेट्रोल-डिझेलच्या किंमती अनलॉक केलेल्या आहेत, असे एका ट्विटमध्ये राहुल म्हणाले होते.

तसेच, काही दिवसांपूर्वी एक लेख शेअर करत ते मोदींना सरेंडर मोदी म्हणाले होते. त्यावरूनही राजकीय वातावरण तापलं होतं. त्यात आता त्यांनी मन की बात कार्यक्रमावर आक्षेप घेतल्याने अनेक भाजप कार्यकर्ते नाराज झाले आहेत.

News English Summary: Rahul Gandhi has asked when there will be a ‘talk’ of national defense and security. Prime Minister Narendra Modi addressed the people of the country on his radio program ‘Mann Ki Baat’ on Sunday. Rahul Gandhi has commented on this by tweeting Modi.

News English Title: Rahul Gandhi has asked when there will be a talk of national defense and security News Latest Updates.