भारतीय औषध कंपन्यांनी चीनमधून आयात केलेला माल बंदरात अडकला

नवी दिल्ली, २९ जून : गलवान खोऱ्यातील संघर्षानंतर चिनी सामानावर बहिष्कार घालण्याची, चीनमधून आयात बंद करण्याची मागणी होत आहे. पण सध्या याचा भारतीय औषध कंपन्यांना फटका बसत आहे. भारतीय औषध कंपन्यांनी चीनमधून आयात केलेला माल बंदरात अडकून पडला आहे. त्यामुळे औषध उत्पादनावर परिणाम होण्याची शक्यता आहे. त्यामुळे चिनी कंपन्यांकडून आयातीला मंजुरी देण्यासाठी औषध कंपन्यांनी वरिष्ठ सरकारी कार्यलय आणि पंतप्रधान कार्यालयाला विनंती केली आहे. सीएनबीसी टीव्ही १८ ने याबाबत वृत्त दिले.

आत्मनिर्भर भारतासाठी भारतात उत्पादन वाढवण्यावर भर देण्यात आला आहे. मात्र सध्याच्या काळात औषध कंपन्यांना आत्मनिर्भर बनणं कठीण असून चीनकडून होणारी आयात थांबवू नये अशी मागणी करण्यात आली आहे. औषध निर्मितीसाठी चीनमधून मागवलेला कच्चा माल, द्रव्य, COVID-19 उपकरणे जवाहरलाल नेहरु बंदर आणि दिल्ली विमानतळावर अडकून पडली आहेत.

बंदरामधून हा माल बाहेर निघाला तर औषध कंपन्यांपर्यंत पोहोचू शकतो. पण आवश्यक मंजुरीविना हा माल अजून बंदरामध्येच आहे. आयातील प्राधान्य देऊन झटपट मंजुरी दिली नाही तर ९० ते १०० टक्के उत्पादन कायम ठेवणे कठिण आहे तसेच करोना व्हायरसच्या या संकटकाळात औषध पुरवठयाची साखळी सुद्धा विस्कळीत होईल असे औषध क्षेत्रातील जाणकारांनी सांगितले. औषध उद्योगाने तात्काळ सरकारी हस्तक्षेपाची मागणी केली आहे.

News English Summary: Demands are being made for a boycott of Chinese goods and a halt to imports from China after the conflict in the Galvan Valley. But now it is hitting Indian pharmaceutical companies. Goods imported from China by Indian pharmaceutical companies are stuck at the port.

News English Title: Goods imported from China by Indian pharmaceutical companies are stuck at the port News Latest Updates.