कुलभूषण जाधव यांनी फेरविचार याचिका दाखल करण्यास नकार दिला, पाकिस्तानचा दावा

नवी दिल्ली, ८ जुलै : पाकिस्तानमध्ये तथाकथित हेरगिरीच्या आरोपाखाली अटकेत असलेल्या भारतीय नौदलाचे माजी अधिकारी कुलभूषण जाधन यांनी फेरविचार याचिका दाखल करण्यास नकार दिल्याची माहिती पाकिस्तानकडून देण्यात आली आहे. दरम्यान, त्यांना दुसरा कॉन्सुलर अॅक्सेस देण्याचा प्रस्तावही दिल्याचं पाकिस्ताननं म्हटलं आहे.

२००६ पासून कुलभूषण जाधव हेरगिरीच्या आरोपाखाली पाकिस्तानच्या तुरुंगात आहेत. मात्र कुलभूषण जाधव यांनी हेरगिरी केल्याचा दावा भारताने फेटाळला आहे. हेरगिरी आणि दहशतवादाच्या आरोपाखाली पाकिस्तानी सुरक्षा दलांनी 3 मार्च 2016 रोजी बलुचिस्तानला कुलभूषण यांना अटक केली. 2017 मध्ये भारतानं आंतरराष्ट्रीय न्यायालयात (आयसीजे) हे प्रकरण सोपावलं. गेल्या वर्षी जुलै महिन्यात कोर्टानं पाकिस्तानला कुलभूषण जाधव यांना कॉन्सुलर प्रवेश (Consular Access)देण्याची आणि फाशीच्या शिक्षेचा पुनर्विचार करण्यास सांगितलं.

कुलभूषण जाधव यांच्या सुटकेसाठी भारताकडून अथक प्रयत्न सुरू आहेत. तसेच, बॅक चॅनेलवरूनही पाकिस्तान सरकारला समजावण्यात आल्याचं ज्येष्ठ वकिल हरिश साळवे यांनी सांगितलं. या प्रकरणात साळवे आंतरराष्ट्रीय न्यायालयात (ICJ) भारतीय समुपदेशक होते. ते भारताचे माजी सॉलिसिटर जनरल देखील आहेत.

News English Summary: Former Indian Navy officer Kulbhushan Jadhan, who is being held in Pakistan on charges of so-called espionage, has refused to file a reconsideration petition, Pakistan has said.

News English Title: Pakistan Says Kulbhushan Jadhav Refused To File Review Petition Offers Second Consular Access News Latest Updates.