भाजपाच्या हातात सत्ता देणं शिवसेनेच्या हिताचं नाही - शरद पवार

मुंबई, १० जुलै : उद्धव ठाकरेंच्या कामाची पद्धत शिवसेनेची पद्धत आहे तसंच भाजपाच्या हातात सत्ता देणं शिवसेनेच्या हिताचं नाही असं राष्ट्रवादी काँग्रेसचे अध्यक्ष शरद पवार यांनी म्हटलं आहे. शिवसेना खासदार संजय राऊत यांनी शरद पवारांची घेतलेली मुलाखत घेतली असून त्यात शरद पवार यांनी हे वक्तव्य केलं आहे. ही मुलाखत शनिवारी प्रसिद्ध होणार आहे. दरम्यान या मुलाखतीचे प्रोमो संजय राऊत आपल्या ट्विटर अकाऊंटवरुन शेअर करत आहेत. संजय राऊत यांनी शुक्रवारी अजून एक प्रोमो शेअर केला असून यावेळी त्यांनी पोस्टमध्ये ‘सत्ता ही विनयाने वापरायची असते”, शरद पवार यांची जोरदार मुलाखत असं लिहिलं आहे.

promo 4- Sharad Pawar Interview
सत्ता ही विनयाने वापरायची असते…
शरद पवार यांची जोरदार मुलाखत! pic.twitter.com/FQenPZGBwX

— Sanjay Raut (@rautsanjay61) July 10, 2020

उद्यापासून ही बहुचर्चित मुलाखत प्रसिद्ध होणार आहे. शरद पवारांच्या या मुलाखतीच्या प्रोमोमुळे उत्कंठा वाढली आहे. दरम्यान, बुधवारी या मुलाखतीचा पहिला टिझर प्रसिद्ध झाला. त्यात महाराष्ट्रातील सत्ता बदल हा अपघात होता काय?’ असा मथळा असलेला हा व्हिडिओ उत्कंठा वाढवणारा ठरला. शरद पवारांची मुलाखत ऐतिहासिक ठरेल. अशी मुलाखत होणे नाही, असा दावा राऊत यांनी केला आहे.

संजय राऊत यांनी आपल्या ट्विटर अकाऊंटवरून मुलाखतीचा अजून एक प्रोमो ट्विट केला आहे. त्यात शरद पवार हे मोदी-शहा जोडगोळी आणि केंद्र सरकारच्या कारभारावर तोफ डागताना दिसतात. काँग्रेस नेत्या प्रियांका गांधी यांना अलीकडंच केंद्र सरकारनं दिल्लीतील लोधी इस्टेटमधील सरकारी बंगला रिकामा करण्याची नोटिस दिली होती. त्याबद्दल बोलताना हे क्षुद्रपणाचं लक्षण असल्याची टीका त्यांनी केली आहे. सत्ता ही विनयानं वापरायची असते. सत्तेचा दर्प डोक्यात गेला ती डोक्यात गेली की अशा गोष्टी होतात, असं त्यांनी म्हटलं आहे.

News English Summary: NCP president Sharad Pawar has said that Uddhav Thackeray’s method of work is Shiv Sena’s method and it is not in Shiv Sena’s interest to hand over power to BJP. Shiv Sena MP Sanjay Raut has interviewed Sharad Pawar in which he has made this statement.

News English Title:  Shivsena MP Sanjay Raut Interview Of NCP President Sharad Pawar News latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.