गेहलोत यांना मदत केल्याच्या आरोपानंतर वसुंधरा राजे यांची पहिली प्रतिक्रिया

जयपूर, १८ जुलै : राजस्थान काँग्रेसने हकालपट्टी केलेले उपमुख्यमंत्री सचिन पायलट यांच्या बंडावेळी सत्तास्थापनेसाठी चकार शब्दही न काढणाऱ्या भाजपच्या माजी मुख्यमंत्री वसुंधरा राजे यांनी पहिल्यांदाच प्रतिक्रिया दिली आहे. सचिन पायलट यांचे बंड मोडून काढण्यासाठी राजे यांनीच गेहलोतांना रसद पुरविल्याचा आरोप पायलटांसह एनडीएच्या खासदारानेही केला होता. यामुळे वसुंधरा राजेंना आता बोलावे लागल्याची चर्चा रंगू लागली आहे.

दरम्यान, राजस्थानातला सत्तासंघर्ष आता कोर्टात पोहचला आहे. सगळं प्रकरण निवळल्यानंतर आता राजस्थानच्या माजी मुख्यमंत्री आणि भाजपा नेत्या वसुंधरा राजे यांनी प्रतिक्रिया दिली आहे. राजस्थानातल्या काँग्रेसमध्ये झालेलं बंड जनतेसाठी दुर्दैवी आहे. काँग्रेस त्यांच्या घरातल्या भांडणाचा दोष भाजपाच्या माथी मारु पाहतंय हे असले प्रकार करणं त्यांनी सोडावं. काँग्रेसच्या अंतर्गत कलहाची किंमत राजस्थानच्या जनतेला मोजावी लागते आहे ही बाब दुर्दैवी आहे असंही वसुंधरा राजे यांनी म्हटलं आहे.

#RajasthanFirst pic.twitter.com/Qzq1iv0Yuy

— Vasundhara Raje (@VasundharaBJP) July 18, 2020

मात्र, वसुंधरा राजे यांनी गेहलोत सरकार किंवा सचिन पायलट यांच्यातील वादावर एकही शब्द काढलेला नाही. दोन दिवसांपूर्वीच नागौर लोकसभा मतदारसंघाचे खासदार हुनमान बेनीवाल यांनी राजेंवर गंभीर आरोप केले होते. बेनिवास यांनी सांगितले की, वसुंधराराजेंमुळेच गेहलोत सरकारची बुडणारी नौका पुन्हा तरंगू लागली आहे. बेनिवाल यांनी या आधीही वसुंधरा राजेंवर कोमतीही भीडभाड न ठेवता आरोप केले आहेत. बेनिवाल यांनी ट्विटरवर एका पाठोपाठ एक ट्विट करत भाजपच्या दिग्गज नेत्या राजस्थानमधील काँग्रेस सरकार वाचविण्यासाठी आमदारांना फोन करत असल्याचा आरोप केला आहे.

News English Summary: The power struggle in Rajasthan has now reached the courts. Former Rajasthan Chief Minister and BJP leader Vasundhara Raje has now reacted to all this. The revolt in the Congress in Rajasthan is unfortunate for the people.

News English Title:  It Is Unfortunate That The People Of Rajasthan Have To Bear The Brunt Of The Infighting In Congress Say Vasundhara Raje Former Cm Of Rajasthan News latest updates.