राम मंदिर बांधून कोरोना आटोक्यात येत असेल तर भूमिपूजन अवश्य करा - शरद पवार

सोलापूर, १९ जुलै : अयोध्येतील राम मंदिराच्या भूमिपूजनाच्या पार्श्वभूमीवर राजकारण तापायला सुरुवात झाली आहे. येत्या ५ ऑगस्टला पंतप्रधान नरेंद्र मोदी यांच्या हस्ते राम मंदिराचे भूमिपूजन होणार असल्याचे सांगितले जात आहे. मात्र, देशात सध्या राम मंदिर बांधून कोरोना जाणार आहे का, असा खोचक सवाल राष्ट्रवादी काँग्रेसचे सर्वेसर्वा शरद पवार यांनी उपस्थित केला.

शरद पवार हे आज सोलापूर दौऱ्यावर होते. यावेळी त्यांनी माळशिरसमध्ये मोहिते पाटीलविरोधकांच्या भेटीगाठी घेतल्या. यानंतर त्यांनी सोलापूरमध्ये कोरोनाची परिस्थिती जाणून घेतली. यावेळी पत्रकार परिषदेत बोलताना त्यांनी सोलापूर शहर, बार्शी, दक्षिण सोलापूर मध्ये कोरोनाची स्थिती चिंताजनक असल्याचे म्हटले. तसेच माजी मुख्य सचिव अजय मेहता यांना सोलापूर जिल्ह्याचा दौरा करून आढावा घ्यायला सांगणार असल्याचेही म्हटले.

पवार म्हणाले, “कोरोना हे देशावरचे मोठे संकट आहे. त्यावर यशस्वीपणे मात करण्यासाठी राज्य व केंद्र सरकार एकत्रित आले पाहिजे. एकमेकांशी योग्य समन्वय साधून काम झाले पाहिजे. कोरोनाचे भयसंकट परतवून लावण्यासाठी कोणत्या गोष्टींना महत्त्व द्यायचे, हे प्राधान्याने ठरविले पाहिजे. परंतू, मंदिर बांधून कोरोनाचं संकट दूर होईल, असं काही मंडळींना वाटतं आहे. राम मंदिर बांधून कोरोना आटोक्यात येत असेल तर भूमिपूजन अवश्य करा. फक्त करोनाचं संकट दूर व्हावं हीच आमची इच्छा आहे.”

News English Summary: It is being said that Bhumi Pujan of Ram Mandir will be held on 5th August at the hands of Prime Minister Narendra Modi. However, NCP’s Sarvesarva Sharad Pawar raised the question whether the country is going to build a Ram temple and go to Corona.

News English Title: Will Corona Be In Control Because Of Ram Temple Sharad Pawar Attacked PM Narendra Modi In Solapur News Latest updates.