व्यक्ती एकंच, सरकारी लॅबच्या कोविड रिपोर्टमध्ये पॉझिटिव्ह, खाजगी लॅबचा रिपोर्ट निगेटिव्ह

कल्याण, २१ जुलै : मुंबई महानगर क्षेत्रामध्ये कोरोना रुग्णसंख्येत कल्याण-डोंबिवली महापालिका दुसऱ्या क्रमांकावर पोहोचली असून, गेल्या काही दिवसांपासून येथे दररोज ४५० ते ५५० बाधित आढळून येत आहेत. शहरातील एकूण रुग्णांचा आकडा १७ हजारांच्या पुढे गेल्याने गेल्या १७ दिवसांपासून शहरात लागू असलेली टाळेबंदी फसल्याची चर्चा सुरू झाली आहे.

मुंबई महानगर क्षेत्रामध्ये नऊ महापालिका येतात. त्यामध्ये मुंबई, ठाणे, नवी मुंबई, कल्याण-डोंबिवली, भिवंडी, उल्हासनगर, मिरा-भाईंदर, वसई-विरार आणि पनवेल महापलिकांचा समावेश आहे. मुंबई महपालिका क्षेत्रात दररोज अकराशे ते बाराशे करोनाबाधित रुग्ण आढळून येत आहेत. तर कल्याण-डोंबिवली महापालिका क्षेत्रात गेल्या २० दिवसांपासून दररोज ४५० ते ५५० रुग्ण आढळून येत आहेत.

अशी परिस्थिती असली तरी आरोग्य यंत्रणांचा प्रश्नचिन्हं उपस्थित करणारा कारभार देखील समोर येतं आहे. कल्याणमधील विवेक कांबळे नावाच्या व्यक्तीने दिनांक १८ जुलै रोजी कल्याण डोंबिवली महानगरपालिकेत कोविड तपासणी केली आणि त्यात रिपोर्ट पाॅझिटिव्ह आला. त्यानंतर पुन्हा दिनांक २० जुलै रोजी मेट्रोपोलिस हया नामांकित लॅबमध्ये कोविड तपासणी केली आणि रिपोर्ट आला निगेटिव्ह.

व्यक्ती एकंच, सरकारी लॅबच्या कोविड रिपोर्टमध्ये पॉझिटिव्ह, खाजगी लॅबचा रिपोर्ट निगेटिव्ह. @CMOMaharashtra @AUThackeray @rajupatilmanase @rajeshtope11 pic.twitter.com/dKYgdpzrmU

— महाराष्ट्रनामा न्यूज (@MahaNewsConnect) July 21, 2020

अशा मोठ्या चुकांमुळे सर्वसामान्य नागरिकांचे मानसिक छळ आरोग्य यंत्रणेने चालवले आहेत. अनेकजण रिपोर्ट पाॅझिटीव्ह आला म्हणून आत्महत्या देखील करत असल्याचं उजेडात आलं आहे. आता विवेक कांबळे यांच्या सारख्या किती लोकांच्या बाबतीत हेच प्रकार राज्यभर घडत असतील याची कोणतीही आकडेवारी नाही आणि सरकारला तर काही पडलेलीच नाही असं म्हणावं लागेल.

News English Summary: A person named Vivek Kamble from Kalyan conducted a covid check in Kalyan Dombivali Municipal Corporation on 18th July and the report was positive. After that, on July 20, Kovid tested again in a reputed lab called Metropolis and the report was negative.

News English Title: Same person got different covid 19 test lab report in Kalyan News Latest Updates.