पण कालांतराने हिंदी-चिनी भाई भाई होणार नाही का? - मुख्यमंत्री उद्धव ठाकरे

मुंबई, २४ जुलै : शिवसेना खासदार संजय राऊत यांनी मुख्यमंत्री उद्धव ठाकरे यांची प्रदीर्घ मुलाखत घेतली आहे. या मुलाखतीत संजय राऊत यांनी महाराष्ट्रात तीन चाकी सरकार आहे असा आरोप विरोधकांकडून केला जातो त्यावर उद्धव ठाकरेंनी मग केंद्रात किती चाकी आहे? असा सवाल करत भाजपाला चिमटा काढला आहे.

सध्या चीनसोबत सुरु असलेल्या संघर्षावरुन महाराष्ट्राने चिनी कंपनीसोबत करार केल्याचा आरोप केला. त्यावर आता तुम्हाला चीन नको आहे पण कालांतराने हिंदी-चिनी भाई भाई होणार नाही का? असा सवाल मुख्यमंत्री उद्धव ठाकरेंनी केंद्र सरकारला आणि विरोधकांना विचारला आहे.

संजय राऊत यांनी शेअर केलेल्या नवीन प्रोमोमध्ये उद्धव ठाकरे महाविकास आघाडीला तीन चाकी सरकार म्हणत टीका करणाऱ्या विरोधकांना उत्तर देताना दिसत आहेत. तसंच राष्ट्रीय राजकारणावर भाष्य करताना, “आत्ता तुम्हाला चीन नको आहे, पण कालांतराने हिंदी-चिनी भाई भाई होणार नाही का?,” असा सवाल विचारत आहेत. यावेळी त्यांनी आपल्या मुख्यमंत्री पदावर बोलताना, “साठाव्या वर्षी मी मुख्यमंत्री असलो तरी याच’साठी’ केला होता अट्टहास असं नाही आहे..हा योगायोग आहे,” असं सांगितलं आहे.

“महाराष्ट्रात तीन चाकी सरकार.
मग केंद्रात किती चाकी आहे?”
ऊध्दव ठाकरे यांची Unlocked मुलाखत.
सामना pic.twitter.com/uuBM1BewyN

— Sanjay Raut (@rautsanjay61) July 24, 2020

News English Summary: He accused Maharashtra of signing an agreement with a Chinese company over the ongoing conflict with China. You don’t want China on that now but in time Hindi-Chinese will not become Bhai Bhai? This is the question Chief Minister Uddhav Thackeray has asked the Central Government and the Opposition.

News English Title: CM Uddhav Thackeray two main questions to the BJP also targeted central government over China issue News Latest Updates.