राज्यात इयत्ता तिसरी ते १२ वीसाठी Jio TV वर एकूण १२ चॅनेल्स सुरु

मुंबई, २४ जुलै : एकीकडे शालेय शिक्षणमंत्री वर्षा गायकवाड यांनी दहावीच्या निकालाविषयी बोलताना या महिना अखेरीपर्यंत SSC चा निकाल लागेल, असं म्हटलं आहे. कोरोना आणि लॉकडाऊनमुळे दहावीचा निकाल लागायला विलंब झाला आहे. १६ जुलैला महाराष्ट्र राज्य उच्च माध्यमिक शिक्षण मंडळाने बारावीचा निकाल जाहीर केला.

बारावीप्रमाणेच दहावीचा निकालही ऑनलाईनच जाहीर होईल. बोर्डाच्या वेबसाईटवर mahresult.nic.in या वेबसाईटवर निकाल जाहीर होतील. निकालाची नेमकी तारीख शिक्षणमंत्री गायकवाड यांनी स्पष्ट केली नसली तरी पुढच्या काही दिवसात दहावीच्या बोर्डाचा निकाल लागेल हे निश्चित.

दुसरीकडे, वर्षा गायकवाड यांनी ट्विटमध्ये दिलेल्या माहितीनुसार, “इयत्ता पहिली ते दहावीच्या मराठी व उर्दू माध्यमाच्या विद्यार्थ्यांसाठी राज्य शैक्षणिक संशोधन व प्रशिक्षण परिषदेने चार युट्यूब चॅनेल सुरु केले आहेत. लवकरच हिंदी आणि इंग्रजी माध्यमांसाठी सुद्धा सुरु होणार आहेत. इयत्ता तिसरी ते बारावीसाठी आता जिओ टीव्ही वर एकूण १२ चॅनेल सुरु करण्यात आले आहेत. महाराष्ट्र हे एकमेव असे राज्य आहे ज्याने चार माध्यमांमध्ये शैक्षणिक चॅनेल सुरु केले आहेत”.

इ.३ री ते इ.१२ वी साठी आता जिओ टी.व्ही वर एकूण १२ Channel सुरु करण्यात आले आहेत. महाराष्ट्र हे एकमेव असे राज्य आहे ज्याने ४ माध्यमांमध्ये शैक्षणिक Channel सुरु केले आहेत. @CMOMaharashtra @bb_thorat @scertmaha

— Varsha Gaikwad (@VarshaEGaikwad) July 24, 2020

याआधी वर्षा गायकवाड यांनी ऑनलाईन वर्गांचं वेळापत्रक ट्विट करून जाहीर केलं होतं. करोनाचा जास्त प्रादुर्भाव असल्यानं राज्य सरकारनं १५ जून पासून शैक्षणिक वर्षाला सुरूवात केली. मात्र, स्थानिक परिस्थितीनुसार प्रत्यक्ष शाळा सुरू करण्याचा निर्णय घेण्याचे अधिकार जिल्हाधिकाऱ्यांना दिलेले आहेत. त्याचबरोबर अशा भागात ऑनलाईन पद्धतीनं शिकवणी वर्ग घेण्याचं नियोजन शिक्षण विभागानं केलं आहे. आता बालवाडी ते बारावीपर्यंतच्या वर्गांचं वेळापत्रक जाहीर करण्यात आलं आहे.

शिशू ते बारावीपर्यंत ऑनलाईन शिक्षण; असे आहे वेळापत्रक.#Maharashtra #OnlineEducation #TimeTable pic.twitter.com/QHHkv0mG3Z

— महाराष्ट्रनामा न्यूज (@MahaNewsConnect) July 23, 2020

News English Summary: The State Council for Educational Research and Training has launched four YouTube channels for Marathi and Urdu medium students of class I to X. Coming soon for Hindi and English mediums as well. A total of 12 channels have now been launched on Geo TV for Class III to XII.

News English Title: Coronavirus Maharashtra Education Minister Youtube Channel JIO TV For Students News latest Updates.