वॉशिंग्टन पोस्टनंही म्हटलं की मुंबईत रूग्ण आकडेवारीची लपवाछपवी झाली नाही - मुख्यमंत्री

मुंबई, २५ जुलै : “जनतेवर आणि यंत्रणेवर माझा विश्वास आहे. जागतिक आरोग्य संघटनेनं कोरोनासाठी राबवल्या जाणाऱ्या धारावी पॅटर्नचा उल्लेख केला. ही नक्कीच आपल्यासाठी गौरवाची बाब आहे. नुकतच वॉशिंग्टन पोस्टनंही म्हटलं की मुंबई हे असं शहर आहे ज्यानं कोणतीही आकडेवारीची लपवाछपवी केली नाही. त्यांनी आपल्याबद्दल अशी माहिती देणं ही नक्कीच गौरवाची गोष्ट आहे. म्हणूनची मी आकडेवरी लपवली किंवा अशा काही वक्तव्यांवर लक्ष देत नाही,” असं मत मुख्यमंत्री उद्धव ठाकरे यांनी व्यक्त केलं. सामनाचे कार्यकारी संपादक संजय राऊत यांनी महाराष्ट्राचे मुख्यमंत्री उद्धव ठाकरे यांची मुलाखत घेतली, याच मुलाखतीत हे वक्तव्य त्यांनी केलं आहे.

मुख्यमंत्री उद्धव ठाकरे म्हणाले की, जे रुग्ण कोरोनातून बरे झालेत यात त्यांचा आकडा धरता कामा नये, महाराष्ट्राला मुख्यमंत्री आणि देशाला पंतप्रधान किती असे विचारता का? मग नेहरुंपासून पंतप्रधान धरणार का? राज्यात यशवंतरावांपासून मुख्यमंत्री धरणार का? असे सगळे मुख्यमंत्री किंवा पंतप्रधान एकत्रित धरत नाहीत. पण आता किती मुख्यमंत्री…एक, यात एकच नाव यायला हवं. कोरोना रुग्णांचा आकडाही कमीच आहे, अगदीच कमी झालाय असेही नाही. कारण काही ठिकाणी संसर्ग वाढतोय, आकडा वाढतोय, पण लवकरात लवकर तो रुग्ण ओळखून त्याला बरं करणे हे महत्त्वाचे आहे असं ते म्हणाले.

News English Summary: Recently, the Washington Post also said that Mumbai is a city that has not withheld any statistics. It is a matter of pride for them to give us such information. That is why I did not hide the statistics or pay attention to some such statements, ”said Chief Minister Uddhav Thackeray.

News English Title: CM Uddhav Thackeray Dharavi Pattern Coronavirus Who Washington Post Mumbai News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.