साँप तो युही बदनाम है, मुझे तो लोग डसते हैं! नागपंचमीच्या शुभेच्छा - संजय राऊत

मुंबई, २५ जुलै : श्रावणातला पहिला सण नागपंचमी. पण यंदाच्या नागपंचमीवर कोरोनाचं सावट आहे. कोरोनाच्या पार्श्वभूमीवर सांगलीत बत्तीस शिराळामध्ये यंदा नागपंचमी उत्सव साजरा न करण्याचा निर्णय घेतला गेला आहे. शेकडो वर्षांची पंरपरा जपण्यासाठी फक्त मानाच्या पालखीला परवानगी देण्यात आली आहे. तसेच आज शिराळा मधील अंबामात मंदिर बंद ठेवण्याचा देखील निर्णय घेण्यात आला आहे. मंदिरामध्ये फक्त ५ लोकांना पूजेसाठी तर पालखी सोहळ्यासाठी १० लोकांना परवानगी दिली आहे. कोरोना विषाणूमुळे नागपंचमी उत्सवाची शेकडो वर्षांपासून सुरू असलेली परंपरा खंडीत झाली आहे. याबाबतची माहिती सांगलीचे जिल्हाधिकारी डॉ. अभिजिती चौधरी यांनी दिली आहे.

विशेष म्हणजे यावर्षी नागपंचमीचा सण खास ठरणार आहे. त्याचं कारण म्हणजे यंदाच्या नागपंचमीदिवशी शिवयोग बनला आहे. हा योग तब्बल वीस वर्षांनंतर बनला असल्याची माहिती ज्योतिषतज्ज्ञांनी दिली आहे. यापूर्वी असा योग इस २००० मध्ये बनला होता. दरम्यान, शिवसेनेचे राज्यसभेतील खासदार आणि नेते संजय राऊत यांनी एकदम वेगळया पद्धतीने नागपंचमीच्या शुभेच्छा दिल्या आहेत. ‘साँप तो युही बदनाम है, मुझे तो लोग डसते हैं!’ नागपंचमीच्या शुभेच्छा अस संजय राऊत यांनी त्यांच्या टि्वटरवरील संदेशात म्हटले आहे. त्यांचे हे टि्वट चर्चेचा विषय ठरले आहे.

pic.twitter.com/DZig5pXEi6

— Sanjay Raut (@rautsanjay61) July 25, 2020

आजच संजय राऊत यांनी महाराष्ट्राचे मुख्यमंत्री आणि शिवसेनेचे पक्षप्रमुख उद्धव ठाकरे यांची घेतलेली मुलाखत प्रदर्शित झाली आहे. एकूण दोन भागांमध्ये ही मुलाखत आहे. त्यातील पहिला भाग आज प्रदर्शित झाला आहे. उद्या मुलाखतीचा दुसरा भाग प्रदर्शित होईल.

News English Summary: Shiv Sena Rajya Sabha MP and leader Sanjay Raut has wished Nagpanchami in a very different way. The snake is so infamous, people bite me! Happy Nagpanchami, said Sanjay Raut in his Twitter message.

News English Title: Shivsena MP Sanjay Raut Tweet On Nagpanchmi News Latest Updates.